قەھۋە ۋاقتى | 2018.03.01

Don McLean - Vincent

***

- 357 -

مارتقا كىردۇق

...

يۈرۈڭلار،

كەلمىشىمىزنىڭ

پۈچەك ئۇرۇقلىرىنى

كەتمىشىمىزنىڭ داق يەرلىرىگە

تېرىپ قويايلى.

چۈشلىرىمىز

ئۈنۈپ چىقسۇن

ئۈچقۇلاق بولۇپ.

بىز ئارىسىدىن

تىمسىقىلاپ

تۆتقۇلاق ئىزدەيلى.

بىز

ھاياتنىڭ داستۇرخىدىكى

كۆك چۆچۆرىلىرى

قاتار تېزىلىشتۇق

ۋاقىتنىڭ ئىشتىھاسى ئۈچۈن.

ئاي ساناپ

كۈن ساناپ

مارتقا كىردۇق،

ئاندىن

قېلىن كېيىملەرنى سېلىپ تاشلىدۇق

كۈنلەرنى يەڭگىلرەك ساناش ئۈچۈن.

- تاشپولات روزى ئەزىز

2018 – يىلى 1- مارت

سالامەت بولۇڭ