相信呢排有睇開TVB劇集《溏心風暴3》嘅觀眾，一定係睇陳敏之飾演嘅黃以愛與飾演Nic的唐文龍的一段不倫戀，睇到相當肉緊！昨晚一集就講到陳敏之為了可以繼續同唐文龍一齊，就叫對方不用給予自己將來，只求眼前的快樂。呢段不倫戀關係亦被黃宗澤間接發現咗，而唐文龍亦承認同陳敏之嘅關係，承認自己好貪心，「我以為自己可以叻過其他男人，做好晒風險評估經營同以愛嘅關係，但原來……」最後會唔會沉船就未知，而黃宗澤亦俾兩個方法唐文龍揀。

唐文龍承認自己好貪心，又想做好爸爸同好老公，另一方面又好想可以同陳敏之一齊！

呢兩個方法就係，「一，離婚同以愛一齊」，「二，斬纜，做返你嘅好老公同好爸爸」。唐文龍緊係兩個都唔揀喇，繼續又同以愛一齊，又做好老公同好爸爸！今晚播出的第22集入面，唐文龍就告知陳敏之，舅父黃宗澤已知道他們的關係，並認為係時候面對現實 ，「佢知道，即係代表其他人都會知。」陳敏之聽完之後乜都唔理喇，就話唔可以分手，「佢憑咩搞我地呀，我會去搵佢處理件事。」

當唐文龍告知陳敏之，佢舅父黃宗澤已經知道佢地嘅關係，好崩潰！

雖然黃宗澤已經知道佢地嘅關係，依然無損佢地嘅感情。

之後陳敏之馬上去搵黃宗澤講清楚，並叫他守秘密不要將她和阿Nic嘅關係講出去，「我地係唔會分手，我同阿Nic嘅事唔使你理，如果你講出去，我就唔會叫你舅父。」黃宗澤聞言後就覺得由頭到尾係陳敏之一廂情願，而陳敏之就認為呢嗰moment開心最重要。黃宗澤亦提醒佢，指他們都是有頭有面嘅人，如果其他人知道咗好大件事，陳敏之就表示，「唔理咩後果，我自己承擔。就算係死路一條，我都唔會後悔！」最後要求黃宗澤乜都唔好理！