今日有心水清嘅《苹果》读者爆料，指喺定欣嘅ig“追踪名单”中揾唔到陈展鹏嘅账户，有人估计系咪因为煎pang近日高调与单文柔以情侣档姿态一齐接job，又贴相上ig晒恩爱有关。而陈展鹏嘅ig亦冇follow对方，难度再见不是朋友？

定欣同煎pang喺前年拍TVB剧《城寨英雄》开始传绯闻，当时两人似系暧昧中，曾被影过做柴可夫车定欣开工，放工又车对方入西贡食糖水，仲孖住睇演唱会。而定欣又会经常喺ig上载与煎pang合照，仲有tag埋对方嘅ig账户，唔少人都话佢哋好衬。

而煎pang亦多次赞定欣完美，试过喺ig留言﹕“灵感女神令我打开窍！”真系冧到震啦。当时定欣同煎pang被喻为金童玉女，好快又以情侣档合作拍《同盟》。点知去年3月，陈展鹏被《苹果》影到同落选港姐单文柔喺山顶谈情，真恋情被踢爆，煎pang即与定欣划清界线，并谓﹕“我从来冇同胡定欣拍拖。”真系令定欣hurt到震。


定欣最近亦有新恋情传出，被指与细佢6年嘅张振朗暗挞，虽然双双否认恋情，但定欣冇落闩，讲明唔介意姐弟恋，仲转軚去张振朗ig留言，