無綫台慶劇一部接一部排住隊推出，而之前憑《再創世紀》嘅郭晉安同《特技人》嘅譚俊彥，最有機會爭視帝。






無綫播放的內地劇集《廷禧攻略》掀起煲熱潮，有啲網民猜疑周迅主演的《如懿傳》會否緊接其後，但當然係No La！因為嚟緊係台慶月，無綫已經安排三部台慶劇排住隊推出，當中包括由馬德鐘、何廣沛、劉佩玥孭飛嘅《跳躍生命線》（10月8日推出）、黃智賢、關禮傑、王君馨主演嘅《是咁的，法官閣下》（10月29日推出），而去年憑《踩過界》奪得視帝嘅王浩信與楊明、伍允龍擔正嘅《兄弟》，則有機會被安排在11月初推出，成為台慶重頭劇。

至於台慶頒獎禮何時舉行？去年因為要等埋《溏心風暴3》而改到今年1月舉行，但今年如無意外，都會去番一貫嘅12月舉行！至於視帝視后人選，因為三部台慶劇都未出，好難有定案，不過，以暫時經已播映咗嘅劇集嚟講，視帝熱門人選有《再創世紀》嘅郭晉安、仲有大包圍《天命》、《特技人》嘅譚俊彥，至於視后則有《宮心計2深宮計》嘅陳煒、熱話劇集《BB來了》嘅李佳芯，佢哋嘅表現都相當唔錯。