「失踪人口」陈文媛,变身小富婆-八卦帝

「失踪人口」陈文媛,变身小富婆

「失踪人口」陈文媛,变身小富婆

金句王港台女星 2022-09-24 00:47:00 158

创作不易，用心坚持，欢迎请BaGua喝几杯爱心咖啡！

打赏并支持本文打赏并删除本文

最近就有香港网民发起一个叫做「娱乐圈失踪人口选举」嘅投票。

不问犹自可，一问，排第一位嘅就系当年陈老师镜头下嘅其中一位女主角——

Bobo陈文媛。

2001年出道做歌手嘅陈文媛，当时系歌影视三栖发展。

不过因为2008年卷入「陈冠希事件」之后，同富商男友嘅婚事临门挞Q，最终只能淡出娱乐圈。

其实未正式入行之前嘅陈文媛，读书嘅时候已经有兼职model工作。

之后被星探发掘，签约做歌手而正式加入娱乐圈。

虽然佢hit嘅歌唔多，不过出道作品《顺路》一曲都叫广为人知。

更成功令佢夺得多个新人奖殊荣，当年都系乐坛新人王之一。

2003年，佢同唐宁、邓丽欣、萧正楠等拍摄嘅TVB青春偶像剧《恋爱自由式》更加系大受欢迎。

亦都系唔少80后90后嘅青春回忆。

而陈文媛亦都凭住剧中「游娴」一角，饰演天生长短脚嘅乐天少女，令佢人气急升。

当年TVB见偶像剧收视咁收得，即刻开拍另一部偶像剧《当四叶草碰上剑尖时》，而陈文媛亦都有份主演。

其实陈文媛啱入行嘅时候，就被影到佢同陈冠希出游拍拖，不过相恋三年，去到2004年大家就分咗手。

之后陈文媛遇到金融才俊金紫耀，当时盛传二人准备结婚。

点知2008年，一个整电脑嘅扑街仔，将人哋你情我愿嘅所有相片，非法公诸于世。

于是作为受害者嘅陈文媛，嫁入豪门嘅婚事亦都告吹。

原本件事发生之后，男朋友金紫耀都依然对陈文媛不离不弃。

甚至喺陈文媛退出娱乐圈之后，打本畀佢开设水晶美甲店，等佢可以发展自己生意，尝试走出阴霾。

而呢段接近10年嘅爱情长跑，最终都系因为男方家人难以接受佢嘅过去，令恋情无奈终结。

不过同金紫耀拍拖期间，对方唔单止教佢金融方面嘅知识，仲介绍埋香港股神庄友坚畀佢识。

因为股神对陈文媛嘅赏识，之后更邀请佢成为助手。

于是陈文媛就逐渐发展佢嘅金融事业。

到咗2015年，陈文媛因为返教会，而识到现任老公。

佢老公比佢细三岁，系一个普通嘅上班族，不过对方并唔介意陈文媛所有嘅过去。

两个人拍咗一年拖之后就旅行闪婚，之后仲大排延席，然后又生咗仔，一家三口生活都好低调。

不过人生就系咁，有高有低，乜嘢都好，撑住捱过去，自然就有路可行。

同其他受害者唔一样嘅系，陈文媛选择彻底退出曾经如日方中嘅演艺事业。

失恋、失婚，从头做起。

而佢投身金融界之后，事业发展得好好，早几年凭自己努力，买入1800万嘅豪宅。

一切得来不易，呢啲真系心口少只勇字都唔得！

金句王

粤语原创公众号

创作不易，用心坚持，欢迎请BaGua喝几杯爱心咖啡！

打赏并支持本文打赏并删除本文

感谢您的支持鼓励，我会继续努力的!

文章地址：

用户邮箱：

打赏金额：USDT

点击”去打赏“，即可进行打赏支持本文章哦

陈文媛

发表评论