艺人杨怡同家姐杨卓娜两姊妹一向感情深厚，而杨怡老公罗仲谦亦好融入到女家，经常孖住佢哋两姊妹四出游玩。呢日杨怡同杨卓娜分别孖住各自老公，两Pair人一齐出动，仲搵埋曹永廉及一班友人齐齐食开年饭，场面相当热闹。杨卓娜喺社交网上载多张饭局合照，当中原来佢仲遇偶一位“特别嘉宾”，嗰个就系方中信啦！

其实杨卓娜同方中信曾经喺剧集《律政强人》饰演两公婆，今次旧拍档重遇，卓娜都非常兴奋，仲以“哎吔老公”称呼对方添，睇住佢哋呢对“假夫妻”合照得咁开心，唔知同场嘅卓娜“真．老公”又有冇呷醋呢？