黄智贤指松松爱笑爱跳，笑她是「傻姑天后」

藝人陳松伶與黃智賢相識超過20年，最近才首次合作劇集。二人拍攝時默契盡現，鏡頭外則互相分享與另一半的生活點滴。兩位已婚之人不約而同表示沉醉夫妻之間 的甜蜜世界，未有計劃生B，松松更揚言不排除領養小孩。

陳松伶與黃智賢（Ben）相識於兒童節目《閃電傳真機》，當年女方是兒歌天后，Ben則擔任主持，二人不時於錄影廠碰面，至最近才有機會合作無綫劇《福爾摩師奶》。飾演女探長的松松，與「管家」Ben不乏對手戲，可謂過足戲癮。Ben笑指與松松多了接觸，才發現她是「傻姑天后」，唸對白時會跳舞。

松松笑言每當聽到音樂便會起舞，並揶揄Ben的舞步搞笑：「佢次次都跳80年代嘅舞，步伐好傻o架，我都唔跳嗰啲，我只係會跳兒歌舞。」Ben即反擊，踢爆女方拍戲太累時，會除隱形眼鏡：「以為佢表現到好精明，其實好迷惘，因為睇唔清，都幾好笑，佢仲話矇矇地望住大家會順眼咗，冇咁多皺紋喎。」

演音樂劇圓夢

二人均是已婚之人，戲外可有交流生活品味？松松表示：「有交流，佢依家係美容CEO，好叻。（你要拍劇，點同老公相處？）佢都忙，依家係互相實現對方夢想嘅時期，最近做音樂劇係我兒時夢想，唔為錢同利益，老公都支持，因為唔使佢叫，我都會自動做運動。（唔生小朋友？）冇時間。（押後？）我等Ben個B出嚟先，哈哈！生B唔係輕率決定，要順其自然，我唔排除領養。」她隨即問Ben幾時造人？他答：「我未紮嘅，不過想享受二人世界多啲，永遠戀愛中，我覺得一齊同步同心最重要。（即係隨時準備？）意外冇人知，意願上係想過二人世界。」