等到颈都长埋，【中国新歌声2】终于确定晒啲明星导师！

之前虽然重新改咗个名，但係都係“换汤唔换药”——冇撚用，其实大家都睇到厌晒，来来去去都係嗰几个导师，啲表演又係重复再重复，真係好鬼闷噶。

▼

当然小编唔係想讲小公举，毕竟小公举啲表演，係百睇不厌噶！！

讲翻啲明星导师，除咗千年不变嘅导师那英，仲有人气超高嘅小公举周杰伦之外，上一季导师庾澄庆、汪峰都比人换咗！

新加盟嘅就有“所长”陈奕迅，仲有“中国风鼻祖”刘欢！新嘅阵容就集合咗香港、台湾、大陆重量级人物，大家有冇兴趣想睇先，反正小编係有！

点解？！因为有小公举同所长组cp！

▼

想当年小公举仲帮所长写咗首歌——《淘汰》，几多人係KTV唱喊咗，“只能说我输了，也许是你怕了”，真係怕咗。

所长都“不甘示弱”，跑过去小公举嘅演唱会做小粉丝，同仲比佢抓上台合唱！就因为依件事上埋热搜榜...

而且就算係各自成家之后，佢地两个都仲係同时出现係跨年演唱会上，合唱咗《简单爱》、《淘汰》。

当时好多粉丝激动咁为佢地发起咗一个话题，#有一种友谊叫周杰伦和陈奕迅。

而所长其实係比小公举大5岁，一个係香港，一个係台湾，但係影响咗全球华人！

所长96年同徐濠萦相恋，04年女女出世，06年结婚！

小公举同昆凌嘅婚礼，跌碎咗几多人眼镜！仲好锡老婆，係英国俾咗个浪漫豪华嘅婚礼比佢，简直羡煞旁人。

係16年嘅时候小周周出世，如今身怀二胎，一家人非常幸福！

虽然话佢地係音乐上嘅造诣都不相伯仲！但係佢地都仲係有“共同点”——发福！！

即使佢地步入殿堂，步入中年，成家立室之后，大家对佢地嘅爱始终有增无减！

所以所长上咗【新歌声2】，好多粉丝都等住睇好戏，毕竟难得一遇嘅“天王之战”，真係好难分胜负！

讲完cp之后，小编最想吐槽嘅係嗰个千年不变嘅导师那英。

（不喜勿喷）

▼

佢都算犀利咯！係好声音嘅元老导师，再加上【好歌声2】，真係“六朝元老”啊佢，而且前五届冠军当中，佢就独揽咗3届，巴巴闭咁啊！

但係唔知点解小编唔係咁钟意佢，特别係佢讲嘢嘅方式，做嘅嘢，都好似惺惺作态咁！

首先係好声音里面，就一直俾人话有！黑！幕！好有手段。

唔知大家记唔记得一直唱摇滚嘅丁克森，係盲选唱咗一首改编嘅摇滚版《BAD BOY》，最后三位导师都转身，但係入咗那英嗰组...

入咗都算啦，人地係唱摇滚类型噶嘛，那英俾咗首《当时的月亮》佢，冇错，依首节奏明显係偏慢嘅歌曲，但係人地係唱摇滚，咁结果就可想而知啦，紧係比人踢出局啦！

咁係新歌声里面咧，有个20岁周旸係盲选嘅时候全程闭眼唱《我好想你》而入选。

然后人地本来想唱薛之谦嘅《丑八怪》，点知那英又係临时换咗，要人地长金志文嘅新歌《racheal》，肯定好多人都冇听过啦，结果咪又係比人踢出局咯！

讲到最后一个真係犀利咯！被称为中国风始祖，相信大家都估到，就係刘欢啦！

▼

今次刘欢回归争议都几大，因为当初佢係第一个退出好声音嘅导师。

而且佢都上节目点评过，爆料话好声音节目组无视导师专业点评，将导师俾学员嘅中肯建议全部剪晒！所以观众都净係见到导师嘅亢奋状态！

离开嘅原因仲有，节目嘅工作量太大，成日由下午一直录到凌晨3、4点，而且酬劳又唔多咁样...

但其实依家【中国新歌声2】制作公司冇换，节目组都仲係嗰班人，好多网友就话，“佢係咪缺钱啊？”但係做得始祖，係音乐上有翻咁上下追求，佢都唔会话为咗节目效果，委屈咗自己啲学员...

对于咁多争议嘅【中国新歌声2】，大家都係等节目出街再讨论啦，依家先睇下预告片...