宋仲基自《太阳的后裔》之后

久久未有新作

BUT小编最近发现

喺TVB岩开机嘅新戏入面

竟然出现咗「宋仲基」个名！

咩话？

宋仲基要同无线合作？

仲要演男主角？

哈哈其实係咁嘅

宋仲基的确係TVB新戏男主角

只不过呢个係戏名啫

TVB五十周年

无线投资5000万开拍50集长剧

《誇世代》

日前开机拜神喇

阵容以目前电视台情况嚟睇

可谓非常鼎盛：

欧阳震华、陈豪、张继聪、田蕊妮

等等超过七十名艺人出演

无错

福将欧阳震华今次饰演嘅角色就叫

「宋仲基」

讲到到角色「宋仲基」嘅由来

 Bobby话其实一开始係向监制提议叫「崔智友」

但係监制话呢个係女仔名就否决咗

至于会唔会担心宋仲基嘅粉丝反对

Bobby就讲笑话：

「顶多暗杀我啫！其实我唔係丑化

有我演宋仲基，咪显得佢更靓仔囖」

剧集以银行为故事背景

欧阳震华係剧中仲会同吴业坤

「灵魂交换」

Bobby仲整蛊吴业坤，帮佢改花名

今次係Bobby同阿田第一次合作

首次合作就饰演夫妻

唔知会擦出咩火花呢

而陈豪喺剧中

饰演一名银行家

仲自爆自己会同森美有“肉搏战”——

打boxing~

至于张继聪今次喺剧中饰演花花公子

周旋喺众多女角色身边

仲讲笑话：

「我既有仙气，又会成魔，

总之男又搞，女又搞，连陈豪都搞，

志在捣乱，最终成魔是个大反派。」

睇嚟今次张继聪会唔会重演《幕后玩家》

金句王上身呢

女主角田蕊妮

无错又係佢，好多观众都表示：

“点解又係佢...”

不过都有宽容啲嘅网友话：

“算啦，女主角只要唔係陈蔡港姐就得了”

都有网友话

睇呢个阵容，就得个人多

做平时嘅台庆剧都唔算奢华，更何况係五十周年

好怀念以前《珠光宝气》嗰个年代

台庆搵咗张卫健回巢

今次又邀请欧阳震华、陈豪双飞男主角

呢个50周年睇嚟都係一直搵老戏骨撑场

熟悉嘅面孔都老晒、睇厌晒

一直搵旧人撑场都唔係办法

希望无线以后可以将心思花喺剧本上

搵翻啲有演技嘅新人翻嚟

唔好斋靠卡司搏眼球啦~