萧正楠与黄翠如拍拖三年屡传婚讯，据知萧公子已计划8月与翠如出走，先在外地注册结婚，明年再补摆酒。有传二人婚后会环游世界，并已向公司攞定长假。如无意外，翠如BB好快就要改名叫「翠如老婆」同「翠如妈妈」啦！萧公子老友 曹永廉 日前出席活动时，就自爆获对方邀做伴郎，又大讚萧正楠同翠如BB系一对好甜蜜的情侣，希望佢的快啲结婚，生小朋友！

环游世界 蜜月造人 黄翠如萧正楠8月结婚

黄翠如有样有家底性格又好，已经35岁的翠如BB与萧正楠都锺意小朋友，唔想做高龄产妇，二人已有共识先结婚后造人。据知今年初佢的已经有结婚嘅共识，一齐攞左8月大假，但后来公司安排佢的拍《Do姐再Shopping》，所以先打乱左佢的嘅计划。近月萧正楠拍完《深宫计》，《Do姐》嘅拍摄进度又比预期快左，佢的8月就可以如期外游！

曹永廉 自爆做伴郎

提到萧正楠好事近，阿廉出席活时接受访问，一开始就开玩笑话：「边个老友好事近呀？我好多老友㗎喎！」之后就开始爆响口，话萧正楠有计划结婚：「其实我都听过嚟紧呢两年佢会结婚，即系都差唔多啦！(搵左你做兄弟未？)有讲过但我未应承，佢希望我做伴郎，睇吓我到时有冇时间啦！」之后再话：「其实我都好想佢的快嘅，佢的就希望等工作搞好后，就多啲时间准备，我谂佢咁大个人都有计划嘅！」

曹永廉：「随时结婚唔奇！」

见证住萧正楠同翠如由拍拖到依家准备拉埋天窗，阿廉有羊感想呢？「我觉得佢的系一对好甜蜜嘅情侣，好锡大家，成日挂住喺口边。我知道佢的冇乜闹交，同埋佢的好悭，各方面都好配合到，我都希望佢快快脆脆结婚，生个小朋友啦！」问到知唔知好友以什麽形式结婚？佢话：「佢有谂但几时实行我唔知呀！既然大家都认定佢的系一对，随时结婚亦都唔系一件奇事。」至于将来会唔会做契爷，阿廉就话要将来先算，因为做契爷好大压力，自己又未必常常有时间见面同关心对方。