由TVB高层曾志伟“出山”做主持嘅节目《讲你都唔信》近日邀请咗薛家燕、肥妈等人做嘉宾分享佢哋嘅“第一次”，家燕姐大爆佢一次差啲“失身”嘅经历，吓窒全场，连家燕姐本人都讲到想流泪！

曾志伟主持《讲你都唔信》邀肥妈、薛家燕做嘉宾

TVB综艺节目《讲你都唔信》每集会邀请嘉宾周绕当日主题讲故仔，获得较高分数嘅组别将会晋级第二轮，呢个节目之所以受到关注主要係因为已荣升高层嘅曾志伟“重出江湖”担任主持。

新一集阮兆祥、邓兆尊、何远东，同肥妈、薛家燕、陆浩明（6号）分为两组，讲述佢哋“人生中嘅第一次”。其中家燕姐嘅个人经历更掀起热议。

薛家燕大爆初次险失身经历

家燕姐同邓兆尊对决，佢讲起自己第一次差啲失身嘅经历，佢指当年应该係1973、1974年左右，佢去菲律宾宿雾登台，家燕姐更附上一张旧照力证所言非虚。

家燕姐指自己当年好受欢迎，登台时万人空巷，本来有两场登台表演，第一次全场爆满，完骚后就搭车返酒店，途中遇到一位20几岁嘅年轻男士喺街头小便，对方一见到家燕姐即大叫：“Nancy Sit！”，吓到家燕姐即刻要司机揸返酒店。

菲律宾登台遇狂迷逼见面

好彩登台嘅地方同酒店距离唔远，一返到酒店家燕姐经理人留喺家燕姐间房，期间收到街边见到嘅年轻男电话，对方一直要求同家燕姐见面，最后酒店职员更表示佢带埋武器上紧房，叫家燕姐快啲锁门。

虽然家燕姐锁咗门，但年轻男喺门口狂拍门，甚至搵埋住喺家燕姐隔离房嘅同行男歌手，要求人哋陪佢饮酒，家燕姐吓到喊，唯有打电话要职员报警，但原来年轻男喺当地甚有势力，即使警察到场后亦好快就离场。

家燕姐忆述事件眼有泪光

最终年轻男爸爸到场解决事件，佢向家燕姐等人道歉，又承诺赔偿一切损失，但家燕姐被此事吓亲，取消剩返一场嘅登台骚，搭第二朝飞机回港。家燕姐忆述呢件“险失身”事件仍心有馀悸，讲到激动时更差啲落泪！几位主持即刻安慰返佢。

节目尾后亦证实呢件事係真，不过家燕姐一组仍不敌阮兆祥，无缘晋级下一轮。

◆文章图片来源转自于网络

◆本号声明：如有侵权，请联系我们进行删除，小编只是内容的搬运工，如有错别字敬请谅解。