萧正楠爆黄翠如係地狱厨神!列出老婆3大虾碌事!回顾入行后辛酸史

萧正楠爆黄翠如係地狱厨神!列出老婆3大虾碌事!回顾入行后辛酸史

港剧速递 港台男星 2022-02-26 08:36:07 793

日前,由林盛斌(Bob)主持嘅TVB节目《人夫放假约出去滚》就邀请咗萧正楠(Edwin)做嘉宾。当中Edwin就讲述入行后嘅辛酸史,仲大爆老婆黄翠如嘅“虾碌事”,形容老婆为“地狱厨神”,非常搞笑!

# 年纪轻轻就开始做兼职!

现年44岁嘅萧正楠(Edwin)2001年参加歌唱比赛获得冠军,受唱片公司赏识以歌手身份出道,不知不觉已经出道接近20年。而佢近日就喺Bob嘅节目《人夫放假约出去滚》中讲述年轻时嘅辛酸史,表示以前一直忙住做兼职交学费“返某连锁店卖牛仔裤”,中学后期就冇再问父母攞钱!后来,爸爸亦不幸患上鼻咽癌逝世。

# 大呻入行初期辛酸史!

萧正楠一出道嘅时候获称为“翻版郑伊健”,但佢就坦承只係得头一年比较顺利“突然间第二年冇嘢做,返咗内地拍戏”!当年有传佢因为喺获奖感言嘅一句“邪不能胜正”,被传媒写成抽水麦浚龙,激嬲麦浚龙爸爸麦绍棠而惨遭雪藏,佢亦因此需要北上工作避风头。

# 直言黄翠如并非理想型!

其后萧正楠就继续发展佢嘅演员事业,喺2014年因为拍摄电视剧《师奶Madam》而认识黄翠如,从萤幕情侣变身一对现实嘅情侣,拍拖4年,最终于2018年结婚!而佢就透露初初认识黄翠如嘅时候,就知道佢性格比较粗鲁,同心目中嘅理想对象有啲出入;仲大爆老婆喺家中嘅“虾碌嘢”,所以佢会主动照顾对方,搞到Bob都忍唔住爆笑!

# Bob认证翠如BB嘅大头虾性格!

而Bob亦大爆认识黄翠如嘅时候,佢所嘅嘅车非常贴地“成架车都充满泥沙”,而且仲外型已经变成菱形,被佢哋笑称係工程车!

# 自爆第一次求婚失败收场!

萧正楠亦自爆当时想去英国旅行嘅时候求婚,打算坐过山车到达最顶点嘅时候求婚,但事与愿违黄翠如当时只係闭上双眼咩都见唔到!直到二人后来去利物浦一间教堂,佢就再次正式求婚;后来佢哋就喺去纽西兰旅行嘅时候注册结婚,但就喺《万千星辉颁奖典礼》嘅时候先公开结婚消息!

# 隔离前都事先煮好三餐俾老婆!

结婚后,萧正楠对黄翠如照顾得无微不至,就连去竹篙湾隔离前都准备好对方9日嘅三餐,仲要好好交代屋企嘅大小事,真係对佢爱护有加!

而翠如BB亦有用行动作为答谢,喺萧正楠隔离完毕后就为佢煮咗宵夜。但一食就发现食物已经变臭“啲肉係我9日前买㗎”,令佢哭笑不得咁话“我宁愿食竹篙湾啲饭盒”!

# 未来盼望有小朋友?!

近日都有唔少传言话翠如BB已经怀孕,而萧正楠就表示其实老婆好有责任心,亦有佢细心嘅一面,认为对方绝对係一位好妈妈,暂时对生BB依然係保持随缘心态!


取消

感谢您的支持鼓励,我会继续努力的!

文章地址:

用户邮箱:

打赏金额:USDT

点击”去打赏“,即可进行打赏支持本文章哦

发表评论