薛家燕，胡琳和排舞師Sunny Wong為嚟緊星期日在TVB播出的新節目《香港情·香港味》宣傳，節目播出時間係晚上七點半，咦?咁咪同家燕姐主持，八點半播嘅《流行經典50年》時間好接近?未算啊，八月底家燕姐主演的電視劇《燦爛的外母》亦會出街，加埋午夜一點重播半個鐘的《皆大歡喜》，如果你是家燕姐忠實粉絲，追足咁多個節目，一個星期就可見家燕姐六日喇!連家燕姐自己都笑言：「成日都會見到我!我真係好忙，頭先差啲想暈。」嚇到旁邊的胡琳要即刻扶住家燕姐啊！

家燕姐想整個家燕媽媽餅，你又會唔會買?

家燕姐話暈是純粹搞笑，不過見暈真係可大可小，家燕姐囡囡石祐珊亦因為過勞見暈入院：「嚇親我，佢仲驚我擔心冇同我講，依家有成日whatapps佢，佢就話冇事喇，佢聽日都飛馬來西亞，應該冇事喇依家。」

八月開始一星期會見足家燕姐六日。

雖然日日都在電視機見到家燕姐可能會有啲厭，不過每一個節目家燕姐都用全新嘅面貌見大家，好似《香港情·香港味》佢將會帶大家認識在香港創業嘅追夢者，她表示：「都係飲食居多，有啲地道嘅，有啲係創意嘅，耐何有好多機制同財務關係，佢哋未必能夠完成理想，理想集團就會喺屯門有個地方專做美食，對追夢者支持，開始時好多嘢免費畀佢哋，包括租金。」

胡琳表示在節目試食過竹昇麵和中西混合的菜式。

家燕姐仲話搞到自己都心郁郁想創業，搞返知家燕媽媽餅，講到明要用自己個樣做嘜頭：「我個嘜頭都值錢㗎，人㗎搵我代言都要付筆錢㗎，同埋好地道。」