楊受成同任達華都有嚟賀軒仔。

張敬軒有份投資的仙后餐廳日前正式開張，為了撐軒仔，唱片公司都吹晒雞去捧場，老闆楊受成同太太陸小曼、仔仔楊政龍，還有霍汶希、惠英紅、任達華、泳兒、吳浩康、洪卓立、湯怡、許靖韻以及曾樂彤等等都到場支持。

餐廳裝修風格大玩60年代懷舊風，而當晚的dress code是「vintage、classy」，泳兒更成為全場的best dresser。

惠英紅都好畀面呀。

軒仔為呢間餐廳真係付出了很多心血，將音樂、藝術、食物融為一體，餐廳大至整體裝修、小至卡座布簾，都是由軒仔全力策劃主理。另外，餐廳同時亦是live house，由軒仔親自挑選的駐場歌手會獻唱多首香港時代曲，唱出陣陣「香港味」。至於總廚也是專程由法國請回來。當晚於party的尾聲，大家原來一早準備了生日蛋糕為軒仔預祝2月1日的生日，令軒仔好驚喜呀。

大家一齊給軒仔驚喜。