落选港姐工藤佑采被指黑面hea跳引来负评，师姐黄心颖指佢态度差，但就引来工藤佑采喺网上「爆seed」开火反击，掀起骂战！

点知「一波未平一波又起」，日前黄心颖喺社交网上载咗一张日落靓相，其中一位网民就喺下方留言：「祝福你同马国明分手，祝福」其后更有网民留意到港姐岑杏贤都有赞好呢则留言，即引起大批网民讨论！虽然事后岑杏贤对该留言嘅赞好已被删走，但早就畀其中一位以工藤佑采照片做头像嘅用户截图，并转发兼留言：「『祝福你同马国明分手』留言，岑杏贤Jennifer都按LIKE，好嘢，证明TVB同事都想你地散，你不信可以睇吓，个留言已经有一百多个人赞，你形象插水啦。」

岑杏贤接受记者提问时表示：「我真系错手唔小心揿咗一啲唔知咩嘅Post，好在有个网民同我讲呢件事，我即刻打畀心颖同佢讲唔好意思，好在本身同佢都好熟，佢都冇误会呢件事。自己事后Unlike番呢个comment。」

歌手王菀之（Ivana）出席时装发布会，被问到几时实行生B大计？她即以笑装傻，又怕丑娇嗲说：「唔知点讲呀！（考虑出年生猪仔？）出年猪年？唔知㖞！（想生小朋友？目标几多个？）我唔知㖞！好难答嘅呢啲问题，依家成个人即刻红色。」她又指这次到场是力撑好友兼是次活动策展人黄馨，并表示好紧张，因为好少于现场睇时装骚，而且所有作品都是由香港设计师创作，已准备好朝圣心态，问到演唱会上的服装都是香港制作？她说：「上次同张敬轩一齐开骚嗰次，每件都好靓、好特别，如果今晚有拣啱都希望喺第时嘅演出着到佢嘅作品。」

讲到黄馨有意同Ivana一齐Jam儿歌，她谓多年来都有谂过唱儿歌，可能有不同人都觉得她的声线适合唱儿歌：「咁亦都系我心入面希望有日做到嘅事，好多小朋友都钟意唱歌跳舞，好有自己Style，都想融入佢哋嘅世界，而黄馨个仔又真系超级得意，如果做儿歌专辑，有埋佢把声应该会好得意，如果又系Alex Fung（音乐人兼黄馨的先生）做意义会更加大。」

艺人刘浩龙（师兄）到旧式理发店为新歌《阿龙理发》拍MV，师兄谓小时候会到这些理发店剪发，又自爆小时候剪发有痛苦经历，就是刚升中一时打算剪个靓仔发型，所以跟妈妈到新式发型屋剪发：「以前我啲头都系『鲍鱼刷』，但嗰时兴郭富城头，所以就留咗啲阴，点知返到屋企，我阿爸好严，佢即刻话『刘浩龙，你个头咩事！』，然后即刻捉我去对面嘅旧式理发店剪咗啲阴，我一路剪一路喊，自此冇再去呢啲理发店剪发。」他又大呻该次只靓仔了半小时。

讲到这次拍摄，他表示新歌由林海峰填词，以理发为主题鼓励大家：「剪个靓发成个人都精神晒，又一条好汉。」他亦谓MV中会帮其他演员剪发：「我都系第一次帮人剪发，系啱啱先学，不过我安慰其他演员，就算我剪得唔好，都有最好嘅发型师帮佢哋整番靓。」他又笑言MV内会帮人刮须，是更大挑战。

艺人傅嘉莉（Kelly）着上白色低胸晚装裙出席香港钟表展酒会，大骚「事业线」、十分性感。11月才再拍剧的她，开心透露休息期间接了不少工作、猪笼入水，问到赚咗几多？她说：「有6位数，喺网上睇到银行户口好开心，好想储多啲钱，愿望系买楼，之前都会买珠宝、买表保值，股票都有买，但就有赚有蚀，所以我啲婆仔心态，磗头最实际。」

工作接个不停，Kelly说：「我最开心嚟梗会以情侣档出活动。（情侣？边个？）系剧中嘅萤幕情侣关楚耀，一齐行骚，好开心套剧获大家认同。（戏假情真？）好想Keep住幕前情侣。（私吓唔想揾番个？）揾钱先啦。」

艺人龚嘉欣穿上大露背晚装裙出席香港钟表展酒会，她自爆今次真空上阵：「因为最近拍剧成日只着bra top露腰，谷住个胸好辛苦，keep住要露腰，晚晚都冇食饭，咁我之前都有试push up bra，但出嚟效果怪怪的，咁不如真空。」

嘉欣最近忙拍无线剧《杀手》要日操夜操，成个人瘦晒连上围都缩水，她说：「我依家转路线，晒老鼠仔、马甲线同腹肌。（拍打戏有冇受伤？）有啦，遮咗咋，成身好多瘀，套戏系真打冇替身，有次瘀得好严重，监制都问我使唔使睇医生。同埋我要同黎耀祥讲对不住，因为戏入面佢成日同我一齐，大家不停打，成日打亲佢，好多部位都畀我打过，而且我专打男人最痛个位，所以佢哋要摄啲嘢护住，但依家未打到呢部分。」

应届港姐才艺表演被网民指不及以前，更有参赛者因为「黑面」而成为热话，有「港姐画家」之称的朱洁仪（Donna）对此表示不予置评：「我冇留意报道，但以前我哋彩排、比赛都辛苦，导师想我哋可以靓，真系练到脚都损，到上台咩都唔记得，只记得要保持港姐形象，要微笑去表现自己。」

Donna今日到中环出席艺术展览，她的画作《香江荆艳》亦有参与展出，她指自己是香港出身，对香港有很深情怀，而擅长画花卉的她除了画下香港地标外，亦添上不少紫荆花。问到有否计划开画展？Donna说：「都会，我学书法十几年，之前为一个展览写书法，虽然只系写四个字，但都写咗三、四日，每日起身就开始写，写咗都千几款，再拣最满意嘅一幅。」Donna又表示好享受参展，她的作品已在新加坡、北京及宁波等地展出，有人欣赏作品觉得好开心。

艺人余香凝（Jennifer）现身电台宣传电影主题曲《阳光普照》。与旧爱陈家乐分手至今，无论于任何社交平台仍有网民留言挑骂战，近日就发现Jennifer于IG内取消留言功能，连带之前一直积下来的恶评一齐「被消失」，问到是否睇到恶评心情不好？Jennifer解画说：「唔系，自己见到啲Comment，可能嚟嚟去去都系啲假留言、假帐户，唔想同一张相有其他人，又例如呢套戏咁有意义，有学生，唔想佢哋被人恶意中伤埋，会影响其他人。」她又指有不少粉丝会Inbox鼓励自己，都有逐一回复，因为觉得好感恩，笑言：「佢哋要讲都可以有好多唔同嘅平台。（迟啲会开番？）睇吓点啦，暂时宣传期都唔想影响其他人住。」

讲到新歌，她透露分别有两个版本：「到时电影播嗰首喺编曲上会配合番主题、简单啲，宣传呢个就再揾番监制、编过一个丰富啲嘅版本，唱法上都有少少唔同。」她又自爆觉得自己生得高不是优势，更曾经因身高而4次失落角色：「上去同导演倾咗好多次都系话因为我太高，呢一样嘢系几唔开心，到今次呢套电影，开头都担心做唔到学生角色，边有学生咁高大？虽然我系，好彩出到嚟个效果OK。」问太高会难揾男朋友？Jennifer就大爆曾经有同矮过自己的男仔拍拖，只要对方人好就得，仲笑言反而男仔会更介意：「试过行埋嚟同我度高就走咗去。」

佢留言话：「工作结束立马来Zumba　运动前后大家的状态真的很不一样 虽然超累 又爆汗 但是很爽　请原谅我拙劣的拍摄 麻烦自行转动手机喔 哈哈哈　P.S 影片中的男性是我们老师　#今天有九位学生　#大家都很上进　#我是班长」佢仲要Close up心口仔，真系不得了！

影后袁咏仪（靓靓）今日47岁生日。老公张智霖（Chilam）日前明言会送一份相当有意义的礼物给寿星女，今午「谜底」终于打开，原来Chilam以太太的名义捐钱给「生命小战士会」！

靓靓透过电话开心表示：「好赞同老公嘅做法，对我嚟讲别具意义，加上施比受更有福，喺呢个特别日子发生呢件事，我梗系好开心啦。其实除咗我老公帮我捐钱外，仲有好多有心嘅朋友效法，迟啲我会逐一公开多谢佢哋。」

以为靓靓「戒了买包包」？咁你又错㖞！她续说：「买包包唔使特别日子，平日都可以买嘅。（点解捐去呢个机构？）因为近日有朋友好落力去帮白血病小朋友。其实香港有好多慈善机构，我赞成做善事多元化啲，唔好只系捐单一机构，我就会尽量帮多啲人，但一定会以香港朋友行先。」其实除了昨晚相约丁子高等圈中好友吃饭外，靓靓今晚会再与另一班朋友庆祝生日，人缘甚佳的她相当感恩兼开心。

艺人林峯日前到武汉出席六福珠宝2018周年庆活动及新品发布会，吸引大批粉丝到场，期间他与舞蹈员一同演绎舞步，令粉丝们尖叫连连。及后他更与现场观众大玩游戏，把气氛推向高潮，他谓：「同呢个客户多年来合作无间，彼此间建立深厚感情，好认同佢哋致力传递真爱嘅理念，希望借呢次活动机会，将爱同美嘅文化传播得更远。」

粤港澳TV博主：Yan姐

想睇D咩电影、电视剧

长按二维码，就可以撩我噶啦

更多娱乐明星资讯、

火爆电影大片，戳呢度啦！