艺人陈智燊（Jason）及郭锋下午到跑马地出席《东方表行沙田锦标时尚煲呔赛马日》记者会，Jason于台上自爆「新手爸爸日记」：「喂夜奶同换尿片都可以嘅，我有洁癖都搞得掂。」父爱认真伟大！
他受访时续说：「对住佢即使佢喊都忍到，幸好佢唔算太难搞。（中文名改咗未？）我同太太啲中文咁『叻』，揾朋友改、仲拣紧，即使系改英文名我哋自己都拉锯中，或者今次让太太宋熙年，下次我揸主意啦。最想生3个，唔得就点都要整多个。」
谈到近日工作多，是否囝囝「脚头好」？Jason承认：「佢几旺我，呢排我都好忙，忙完谂住返屋企见佢，亦系一种动力。（入息多过喺无线？）冇得咁计，呢排系好好，够我个仔做好多嘢，希望储到几年学费啦！」稍后他将离港到德国工作一星期，坦言未出发已甚为挂心：「惊少咗个人睇住BB搞唔掂，太太坐月又好闷，可能送份礼物畀佢先啦。」
艺人冯盈盈的「公厕论」引起热议论，她称只是覆述网民的意思，并非自己的想法：「大家听真啲我讲嗰句，我话如果我哋真系嫁个有钱，实会有人话我哋点点点，我嘅意思系覆述紧一啲食花生、不怀好意嘅网民言论，唔系代表我嘅意见同立场，我系对呢啲言论持反对意见，因为我唔觉得女仔去揾自己想要嘅婚姻、有乜嘢问题，婚姻系两个人嘅事，唔需要受到外界嘅批评，应该自主咁去掌握幸福，我系为女权平反。希望大家公开讨论、正视，唔好喺茶余饭后笑人哋，好多女仔可能因为咁而介怀人哋嘅说话，唔敢去揾自己嘅幸福，重点即系，女仔揾自己幸福，只要真心相爱，完全冇问题，唔需要理会一啲无理嘅批评，自己开心就得。」
对于冯盈盈被指言论失礼，麦明诗指自己有份讲：「佢讲嘅嘢系集体嘅，同我一齐讲嘅，都系引述一啲网民咁样话我哋，我哋亦都唔认同。我唔会劝盈盈（注意言谈），我觉得佢冇问题，只系拎出嚟讲，唔需要避忌，唔能够为婚姻，去断定自己价值，系要讲个人能力同素质，婚姻系自主同可以按自己喜好去揾，唔需要理会一啲唔公平嘅言论，我哋主要想平反呢样嘢。」
有份担任《#后生仔倾吓偈》主持的陆浩明表示力撑冯盈盈：「当日个题材系讲做女仔好过做男仔，我都有睇番，其实盈盈意思唔系咁，佢系将网民既睇法转述，如果港姐嫁咗个有钱人，就会被话系鸡、系公厕啫！」
影帝周润发（发哥）、导演庄文强及廖启智（智叔）出席电影《无双》座谈会，吸引近千名学生朝圣，席间分享拍摄点滴，学生们亦踊跃发问。发哥直言当演员相当幸福，皆因于角色中可以死很多次，而该片更是把导演的Message转化成真实影像，更指当初看完剧本很兴奋，因从未演过虚构角色。
说罢被智叔劝告不要剧透，不过发哥似不明所以，并谓：「咩系剧透？」及后智叔即场解释，场面搞笑。谈到戏中的开枪戏份，发哥透露为此训练了几个月，当年于《英雄本色》Mark哥造型深入民心的他，认为枪做出来是杀人武器，故一直对枪很尊敬，每次也先检查清楚。而他亦有勉励学生们要坚持信念，即使前面路是难行，但决定了便没有返转头的余地，不讳言上天一直待他很多，多年来得到比失落多。
有学生大赞发哥有型又揾到钱，请教如何找到适合自己的人生舞台？发哥风趣神回说：「首先听日去TVB敲门，都唔错㗎！如果想揾快钱就去做行更，你又打得、又健硕又靓仔，份工夜晚瞓觉就揾万几，洗碗辛苦唔好，揾到钱就有理想，有理想就可以做到主角。」庄文强就指当初花了一星期做电影资料搜集，而戏中投射了几部发哥的经典电影角色，至于片中的伪钞道具有跟足手续申请。
拥35G身材的29岁、日本AV界女神明日花绮罗，于hmv
Digital China Group
fb有一条冲凉片推出，但成条片冇讲究竟做乜嘢，只系见到明日花绮罗喺度浸泡泡浴，还露出一双白滑靓腿，而女神对眼好疑惑咁望住一个地方，究竟乜嘢咁吸引女神嘅目光呢？！
条片话听日（15日）就会揭盅。不过，呢条片一出，都已经引起网民热论，有啲仲话霎眼以为系港模马俊怡（Rose Ma）添，真系似成咁？
歌手张敬轩（轩仔）同好多人撞过样，继英国著名女星「妙丽」爱玛沃森（Emma Watson）同台湾女星宋芸桦之后，最新嗰个就系南非骑师麦伟利！估唔到呢对「兄弟」终于相聚，呢日轩仔喺社交网上载同麦伟利嘅合照，两个人搭晒膊头，相似度极高！
轩仔仲大赞对方好靓仔斯文，连麦伟利都话觉得呢次见面好奇妙添，轩仔留言：「真人系坚高大靓仔斯文淡定温柔有礼貌，简单嚟讲同我一样，仲有最紧要系佢瘦唔系我肥，系佢瘦唔系我肥，系佢瘦唔系我肥，重要嘅嘢要讲三次，就算我真系肥，都唔关我事，肥系恐怖过鬼故嘅鬼故！」
拥有模特儿身材的歌手连诗雅（Shiga），呢个夏天不停游水晒太阳，但就唔算大解放，着泳衣唔系加件纱，就只骚个玉背。佢趁住夏天仲未过，今日又喺社交网站晒泳衣相，难得有个侧身大露背睇
Shiga着住一件头白色大露背泳衣坐喺池边，焦点落喺佢背脊骨度，瘦到好似纸板人咁！唔少网民都叫Shiga真系要食多啲饭，肥番小小先有睇头！而佢明显好钟意去泳池，留言：「有时候甚么都不想说，静静在池边想想东西，已经很幸福！」
近年在外地修读戏剧的陈法拉早前自导自演短片《人来人往》，故事以露宿者和青年的接触为主题，成功入围今届《辛丹斯电影节：香港短片比赛》，成为当中9部得奖短片其中之一。法拉为了这部处女作，粉墨登场，不理形象，拍摄天桥企跳。她表示剧本是利用课余时间写成：「去年上完编剧课程，想学以致用，于是开始写咗呢个剧本。」
该短片分别在香港和法国取景，当中以香港的拍摄最为顺利，法拉说：「由于制作费唔多，好多拍摄工作都系靠朋友、同学仗义帮忙，包括『老窦』罗乐林同小师弟吴肇轩友情客串演出，『老豆』仲为咗我呢个作品第一次大声疾呼咁连环爆粗，系佢一次好突破嘅演出，非常感激佢哋嘅付出。」
拍摄过程中，法拉为了扮演露宿者，不惜瞓街，不洗头、指甲綑黑边、蓬头垢面现身，连身上所穿的Tee恤和短裤也是朋友的丈夫掉了从垃圾埇执回来用，拍摄时途人都认不出她，且匆匆掩鼻走过，这反而令她更有成功感。
法拉回味的说：「因为冇budget，上至编、导、演，下至梳头、化妆都要一脚踢，好有满足感。」另一幕在行人天桥上扮演企跳，虽然法拉并非动作演员出身，但却胆色过人，亲身上阵完成这惊险一幕。
对于得奖法拉固然兴奋，但当中的拍摄过程才是她最大的得着。她认为：「今次嘅短片系一个尝试，可以喺过程中学习，认识到自己嘅不足，未来会再加以改进。亦非常感谢大家仗义帮助，冇拍摄同后期团队嘅配合支持，我根本冇可能独自完成。希望下一部有多啲budget啦，哈哈！」
艺人王君馨（Grace）与丈夫Daniel 2016年拉埋天窗，婚后二人表现恩爱，近日仲去咗度假胜地马尔代夫旅行添。Grace在社交网上载旅行相放闪，见到二人喺海滩上相当痴缠。Daniel一时拖住太太，之后又抱又孭，真系好甜蜜。不过镜头一转，见到二人返回房间，王君馨试图用口吹涨一只独角兽浮床，仲发文话原来起程前老公已叫佢唔好拎只独角兽去马尔代夫，因为话唔知点可以吹涨。点知Grace一意孤行，仲话好似吹三十个气球咁就得啦。
结果，Grace拍下吹气过程，见佢一边吹一边索气，老公摊喺床度上网玩电脑懒理，Grace由梳化吹到坐喺地下不停吹，吹到无气嗰阵仲要小休饮番杯果汁回气，但佢真系长气到不得了，最后终于大功告成，展露出成功的微笑。
歌手吴业坤同JW（王灏儿）相当老友，之前仲一齐开过骚同出合唱歌，吴业坤喺老友面前自然特别松懈，仲唔小心爆咗自己料添！
JW寻日就喺IG上载咗段限时动态片，仲Tag埋好姊妹何超莲，一开头佢就问吴业坤：「你头先话超莲系你边个话？你个Ex（前度）呀？」虽然吴业坤即刻嗌唔系，但JW就话：「你头先话系你个Ex㖞！」令对方急急澄清：「系Ex梦中情人！」之后被问到即系依家唔钟意啦？吴业坤就话：「JW正啲！」令JW笑唔停，果然系沟女王呀！
组合BOYZ成员关智斌（Kenny）跟张致恒（Steven）早前宣布合体开骚，喺10月16日于Star Hall举行首个正式售票演唱会《The Unboxing Live》，消息一出粉丝都非常兴奋！
寻晚Kenny同Steven就分别喺社交网上载相片宣传门票开售，自封为Kawaii Boyz嘅佢哋化身「山长水源Ta Ma Gor Chi」同「佐藤佑藤Ke Mo Chi」，Chok晒甫喺「无料案内所」入面「招客」，张相嘅风格似足日本嘅牛郎店宣传照，再加埋啲美颜Effect。有网友话笑到讲咗粗口，仲纷纷留言话要去歌舞伎町买佢哋一晚！
当中Kenny个Post仲有唔有艺人朋友畀Like同留言，包括容祖儿同张敬轩等，吴浩康仲留言问佢「点解要靓仔到咁」，Kenny就搞笑回复：「要喺歌舞伎町揾食嘛！」仲有网友笑话：「你姣过某轩，赢了。」一句讲晒，Kenny同Steven呢几张相，冇得输呀！
粤港澳TV博主：Yan姐
想睇D咩电影、电视剧
长按二维码，就可以撩我噶啦
更多娱乐明星资讯、
火爆电影大片，戳呢度啦！
感谢您的支持鼓励，我会继续努力的!
文章地址：
用户邮箱：
打赏金额：USDT
点击”去打赏“，即可进行打赏支持本文章哦
