为名？

祖儿嘅haters成日指佢嘅威水成绩只属「本土」，未能攻陷大中华区。依家参战呢个佢口中「全中国其中一个最多人睇嘅音乐节目」《我是歌手4》，从阴谋论嘅角度睇，就系等更多内地观众认识佢，提升喺内地市场嘅地位。Joey直话直说，「我相信上天安排咗每个人嘅命运，嚟到今日安排咗呢个节目俾我，从未觉得太迟或太早，系最好嘅timing俾我可以重新出发。」

为尝新？

决意打擂台，有赢就有输，歌后输唔输得起啊？「输咗都系赢。就算输俾其他歌手亦系荣幸。我无将所有香港成绩带过去，当自己系新人。记得第一日去到现场，感觉到未试过嘅紧张。喺香港，无论工作模式、身边同事、合作嘅媒体机构，已经习惯有pattern。今日再踏出一步，去体会咁有趣嘅新事物，确系几刺激嘅。」

六年霸，N年霸，循环戏

比较之下，香港乐坛嘅刺激度，又系输几十条街嘅。容祖儿连年雄霸颁奖礼，似乎无后起之秀可以超过。Joey不以为然，「地球不停运行。任何人都可以系挑战者，暂时未登场啫，但可能听日就到。只可以改变自己，力求进步。」

祖儿话谂翻当初啱入行果阵，根本无谂过会有今日嘅好成绩。人生系唔同阶段会追求唔同嘅嘢，依家可能更加专注于追求自己嘅音乐，而唔系专注于奖项。

颁奖礼嘅辉煌成绩背后，不外乎靠hit歌。祖儿埋首录制新唱片已两年，花足心机同时间。「因为近年香港缺乏正能量，想透过呢张唱片带俾大家轻松嘅感觉。其实做艺人，做音乐，初衷好简单，就系为大家带嚟娱乐，message就系happy。」从佢专诚飞往韩国拍嘅缤纷好玩MV，粉丝就可领略到佢期盼分享快乐嘅用意。

「龙儿恋」

「龙儿恋」呢一对喺质疑声中拖手三年几，感情稳固，早就磨合出你好我好嘅交往之道。「我哋相处就好似一般情侣咁，互相迁就。拍拖耐咗，大家一定找到平衡点嘅。」

圈中情侣遇上「关公灾难」，就系双方沟通嘅试练。过往刘浩龙嘅撞板事件，并无影响两人感情。祖儿体谅：「果啲人生触礁，点都要经历几次，我哋又何尝未试过咧？有时，经历过先会成长，最重要系果个人嘅本质。」

不过，一讲到会唔会认定佢系结婚对象，祖儿即答：「如果时间啱嘅话，个天会俾我知，系时候结婚喇。我唔系好『恨』结婚嘅人。」

金句王

微信号：jinjuking

睇金句王，爽过去爆房！
每日发布粤港澳第一手开心嘢！
粤语 | 爆笑 | 搞嘢 | 吹水 | 抵死 | 顶瘾

欢迎搭讪 投稿都啱 合作更赞 小编微信: KingKingGuy