近年愈来愈多合拍戏，《踩过界》、《使徒行者2》都系TVB同内地合作拍摄，製作资金多左，实景拍多左演员都话待遇好了，不过代价就系要香港剧俾内地播先，剧透到烂晒香港观众先有得睇。最近黄宗泽同苗侨伟到布拉格拍摄新戏《守护神》，海报及简介流出，写住2018年第三季播出，不过，同爱奇艺合作喎，香港观众会唔会19年先有得睇？

喺香港拍剧，基本上只有一间可以拣，鬼叫另外两间免费电视台唔争气，演员除左北上寻机会，仲可以同TVB有著千丝万缕关系嘅邵氏。最近又流出邵氏新剧介绍，剧名叫《守护神》，有黄宗泽、苗侨伟同刘心悠，搵来万绮雯老公鬼才编剧陈十三担任编剧，系一套36集嘅现代商战片。就咁睇阵容真系几吸引，仲话去欧洲、东南亚，香港内地全球取景添，同内地爱奇艺合作，製作费真系鬆手啲。

早前劇組到惠東進行開鏡儀式，黃宗澤、苗僑偉、劉心悠、陳嘉桓等都有出席。

佢地10月底喺布拉格拍攝外景，不停街拍放上網站分享。

之前黄宗泽同陈嘉桓分别放左一啲，喺布拉格拍摄时嘅侧拍照，仲见到女主角刘心悠以短髮造型现身，好有新鲜感。睇Bosco同三哥斗智斗力本身系值得期待嘅，不过睇完内容简介就有点却步啦「国内首次以保险理赔员为视角，追查保险事故真相……」咦，内地？乜呢套唔系香港电视剧嚟？会唔会讲国语？不过大家担心都系言之尚早，事关睇番之前嘅合拍剧都系内地播先，香港观众想睇呀？等下先啦。

唔係見到劇集簡介，一時三刻真係未必認得出短髮呢位係劉心悠。

《守護神》講述「國內首次以保險理賠員為視角，追查保險事故真相……」會唔會國語對白呢？

黄宗泽x苗侨伟 基情四射