歌手刘浩龙（师兄）到尖沙咀出席慈善演唱会，对于有指他与女友容祖儿将于年底结婚，访问时记者恭喜他，他说：“唔使，我知你哋问乜，今日收到好多奇怪讯息，原来有报道话结婚，但我可以话畀大家听，唔系嘅。”他笑言这些传闻是一年一度，多谢大家关心和戥他高兴。至于何时结婚？他强调未确实答到，但透露有喜事，就是与公司续约：“好开心同黄柏高（Paco）合作，有得加人工，下年会开骚。（喺边度开？）计划当中。呢个礼拜好开心，系我嘅喜事。（加咗人工可以结婚？）再多啲，下年开套戏畀我大卖就好啦。（下年结？）唔系，真系未有实质答案，若然大家好关心，下年又传就再答多次。”

问到祖儿妈妈可有催婚？师兄说：“真系冇呢件事，总之大家开开心心，身体健康就OK。（你同祖儿有冇倾过？）真系冇，倾唱歌同食乜多啲。（祖儿妈妈冇唔锺意你？）冇。”提到祖儿的粉丝开始接受他，他就多谢大家支持：“再努力拍多啲戏、唱多啲歌。（钱嘅问题？）唔系，系我工作上，如果开戏做主角，梗系用心去做，开演唱会都会操到好Fit，希望大家见到未见过嘅刘浩龙。（想攞到奖先结婚？）唔关事。（喺演唱会求婚？）我冇咁老土，我比较低调，唔会搞呢啲。”问到祖儿妈妈的健康情况，他就表示不回应。另外，祖儿亦透过经理人霍汶希澄清结婚传闻：“没有这事。”

注：文章来自《東網巨星｜on.cc東網》