马国明早前喺Facebook话钟意唐诗咏呢类斯文嘅女仔，又话希望洪永城要好好珍惜，哇，真系戥阿马明可怜又唔抵！虽然马明出名好仔又孝顺，但系，佢对于爱情，就真系……

关于无拖拍：

「我唔系唔谈恋爱，而系遇唔到啫，尤其系年纪越大，越难遇到，我承认性格系有问题，最惨系唔怕闷，唔介意一个人生活，而且生活圈子又窄，由朝到晚到踎响录影厂，点会揾到呀？更加识唔到圈外人，都系算数啦！感情事都系随缘好了。」

关于无情趣：

「我系好架，又黐家，但个人闷咯！拍拖只会睇戏食饭，我一生人只送过一次花，就是廿岁初恋时，依家冇呢种闲情，女方一定要接受到我冇情趣，先可以一齐。」

关于唔沟女：

「我从来未试过追女仔，反而系女方感觉到我有爱意，俾番反应我！」

「我唔会主动追求爱情，有又合得来就好，冇都唔紧要，我一个人都过得好开心！」

「我冇心情氹女仔，系一个闷的男友，但绝对系一个好老公，我欢迎女仔追我！」

唔钟意女仔发脾气：

「见女仔发脾气，我就想大巴大巴车过去，唔好话女友，有时同剧女角发脾气，我都觉得好难顶。」

自爆钟意睇咸网：

「我系咁闷啦，电脑对我嚟讲，只系用嚟上网睇新闻，睇波同埋上咸网咯！(话自己上咸网咁扬？)我咁大个人同你讲冇上过咸网，你都唔信啦！」

孝顺的男人：

「我唔系裙脚仔，系撑起头家，好享受照顾家人，依家都会跷住阿妈行街。爸爸退咗休，我又唔认为应由家姐养家，所以主要家庭开支都由我负责。」

「我阿爸阿妈出名好相处，如果唔可以同仍哋一齐生活，相信会系女方有问题。好话唔好听，结咗婚都可以离啦，但父母就唔会轻易同子女脱离关系，最可靠一定系家人。」

悭家的男人：

「因为我系好怀念啲旧款机（唔买新手机），之前果个黑白mon款，我用咗好多年，我试过跌到佢碎晒再砌返好都仲用得，而且仲内置咗防盗功能，之前唔小心摆低咗喺餐厅，三四个钟之后都揾得返，因为真系太旧冇人偷。」

净系钟意买砖头：

「我冇任何投资，因为我怕唔安全，买雷曼都会执笠啦，所以我只有储蓄，希望将来可以换个大单位，同家人一齐住，有乜事起码有砖头，但依家上车真系好难！」

金句王

微信号：jinjuking

睇金句王，爽过去爆房！
每日发布粤港澳第一手开心嘢！
粤语 | 爆笑 | 搞嘢 | 吹水 | 抵死 | 顶瘾

欢迎搭讪 投稿都啱 合作更赞 小编微信: KingKingGuy