最近进攻娱乐圈的Neway太子兼陈法拉前夫薛世恒现身品牌活动，问到是否有信心型过同场的台湾型男张孝全？他笑言：“冇信心，不过我都唔差，但佢型过我好多。”提到有传他接拍电视真人骚，他承认：“11月会去拍，细节倾紧，我一定唔惯，有好多偶像包袱。（素颜出镜得唔得？）乜都唔得，好惊畀人影到唔型嘅样。（真人骚内容系咩？）做啲我好渣嘅嘢，大家觉得系咩？（一定唔系追女仔？）我觉得自己都几渣，我唔识。（好多真人骚内容有危险，你会唔会买重保险？）唔知，做咗先，我都控制唔到。（如果唱歌跳舞难唔难到你？）难到，唱歌系好深学问。（有咩强项？）冇。（扮chok？）呢个得，但唔想chok得滞，搞到更多偶像包袱。”

点阅读原文