艺人贾晓晨（JJ）同老公樊少皇自从上年结婚之后，今年6月终于有喜讯公布，话JJ已经怀孕中，认真可喜可贺！不过由于樊少皇要努力赚奶粉钱嘅关系，所以佢要四围工作，搞到两人经常都要分隔两地。

呢日，正在养胎中嘅JJ唔知系咪太闷，佢就喺微博晒相大派福利！不过大家唔好谂错隔篱，因为呢种福利净系畀樊少皇粉丝㗎咋！JJ大晒一系列樊少皇嘅健身相，并留言：“助理在泰国发照片给我，说蛋皇（樊少皇）拍戏之后去健身了。稀饭。不过我想问问你，你是故意的吗？你知不知道你越（愈）发俺（我）就越（愈）想他。”JJ仲特登Tag埋老公大方示爱，果然烟韧！照片中，樊少皇身穿黑色背心疯狂举重，大晒其结实臂膀同发达嘅胸肌，再加埋晒得一身古铜色皮肤，简直电力十足！网友见到后都纷纷留言赞叹，仲有人搞笑话：“想舔屏！”