جۇڭگو خەۋەر تورىنىڭ 4-ئاينىڭ 11-كۈنىدىكى خەۋىرى، نۇر تورى تەرجىمىسى:

ئامېرىكا «ۋاشىنگىتون كۈندىلىك پوچتا گېزىتى» نىڭ 11-چىسلا خەۋەر قىلىشىچە، «دۇنيادىكى ئەڭ قىممەت ئاياللار» دېگەن تېما پەقەت سىمۋوللۇق مەنىگە ئىگە، چۈنكى ئادەملەرنىڭ ھەممىسى باراۋەر، قىممىتى ئوخشاش. بىراق دۇنيادىكى بىر قىسىم داڭلىق چولپانلار بەدىنىنىڭ مەلۇم قىسمىنى سۇغۇرتىغا قاتناشتۇرغان بولۇپ، ئۆزىگە ئۆزى «قىممەت» ياراتقان.

ئامېرىكىلىق داڭلىق ناخشىچى مارىيا كەرېي (Mariah Carey) نىڭ تولىمۇ گۈزەل بىر جۈپ پۇتى بار بولۇپ، ئۇ داڭلىق «ساقال تىغى» ماركىسىغا ئوبراز ۋەكىلى بولغان «ئايال ئىلاھ پاچىقى» پائالىيىتىگە قاتناشقاندا، ئۆزىنىڭ پۇتلىرىغا مەلۇم بىر كېلىشمەسلىك يۈز بېرىپ قالسا بىر مىليارد دوللار سۇغۇرتا ھەققىگە ئېرىشەلەيدىغانلىقىنى ئاشكارىلىغان.

2. جېننىفېر لوپېز (Jennifer Lopez) نى «دۇنيادىكى ئەڭ قىممەت ئايال» دېيىشكە بولىدۇ. چۈنكى ئۇ چېچىنى 50 مىليون دوللار، يۈزىنى 50 مىليون دوللار، مەيدىسىنى 200 مىليون دوللار، ساغرىسىنى 350 مىليون دوللار، پۇتىنى بىر مىليارد دوللارلىق سۇغۇرتىغا قاتناشتۇرغان بولۇپ، ئومۇمىي قىممىتى 10 مىليارد 700 مىليون دوللارغا يېتىدۇ.

3. ئامېرىكىلىق داڭلىق يېزا مۇزىكا-ناخشىچىسى تايلوز سىۋىت (Taylor Swift) ئۆزىنىڭ پۇتىنى 26 مىليون 500 مىڭ فوندستېرلىڭ (تەخمىنەن 250 مىليون يۈەن خەلق پۇلى) لىق سۇغۇرتىغا قاتناشتۇرغان.

ئۇ ھەر يىلى ئادەم ھەيران قالغۇدەك دەرىجىدە كۆپ پۇل كىرىم قىلىدۇ، بۇنىڭ ھەممىسى ئۇنىڭ سەھنىدىكى تالانتى بىلەن مۇناسىۋەتلىك، شۇڭلاشقا ئۇنىڭ پۇتى چوقۇم «مۇكەممەل» تۇرۇشى كېرەك.

4. رىھاننا (Rihanna) مۇ خېلى قىممەت ئايال بولۇپ، 2007-يىلى مەلۇم بىر شىركەت ئۇنى تۈك چۈشۈرۈش تىغىغا ئوبراز ۋەكىلى قىلىپ تەكلىپ قىلغان ۋە ئۇنىڭ پۇتىغا بىر مىليون دوللارلىق سۇغۇرتا ئېلىپ بەرگەن.

5. مونرو (Monroe) مۇ پۇتىنى سۇغۇرتىغا قاتناشتۇرغان بولۇپ، مەخسۇس كىم ئارتۇق قىلىپ سېتىش شىركىتىنىڭ پەرەز قىلىشىچە، سۇغۇرتا ھەققى ئىككى مىليون دوللاردىن ئاشىدۇ، بۇ ئەينى ۋاقىتتا غايەت زور قىممەت بولۇپ ھېسابلىناتتى.

6. خېيدى كىلۇم (Heidi Klum) ئۆزىنىڭ پۇتى ئۈچۈن ئىككى مىليون 20 مىڭ دوللارلىق سۇغۇرتا سېتىۋالغان، قىزىقارلىق بولغىنى شۇكى، ئۇنىڭ سول پۇتىغا ئېلىنغان سۇغۇرتا ئوڭ پۇتىدىن 20 مىڭ دوللارلىق ئەرزان، چۈنكى ئۇنىڭ سول پۇتىدا كىچىك بىر تارتۇق بار ئىدى.

7. خوللىي مادىسون (Holly Madison) مەيدىسىگە سۇغۇرتا سېتىۋېلىش ئۈچۈن 66 مىڭ فوندستېرلىڭ (تەخمىنەن 620 مىڭ يۈەن خەلق پۇلى) خەجلىگەن.

8. مادوننا (Madonna) دەسلەپتە مەيدىسىگە 12 مىليون دوللارلىق سۇغۇرتا سېتىۋالماقچى بولغان، بىراق كېيىن ئىككى مىليون دوللارلىق سۇغۇرتا سېتىۋالغان.

9. ئامېرىكا يېزا مۇزىكا ماھىرى دوللىي پارتون (Dolly Parton) نىڭ تەنناز بەدىنى بار بولۇپ، ئۇ مەيدىسىنى ئۈچ مىليون 800 مىڭ فوندستېرلىڭ (تەخمىنەن 35 مىليون 930 مىڭ يۈەن خەلق پۇلى) غا سۇغۇرتىغا قاتناشتۇرغان.

10. 1940-يىلى داڭلىق كىنو چولپىنى بېتتى داۋىس (Bette Davis) لوندوندىكى مەلۇم بىر سۇغۇرتا شىركىتىدە ئۆزىنىڭ ئەۋرىشىم بېلى ئۈچۈن 20 مىڭ دوللارلىق سۇغۇرتا سېتىۋالغان، 28 مىڭ دوللار ئەينى ۋاقىتتا تولىمۇ كۆپ پۇل ھېسابلىنىدۇ. ئۇ سۇغۇرتا سېتىۋېلىش ئارقىلىق، ئۆزىنىڭ كىرىمىنىڭ كۆپىيىشىگە ئەگىشىپ سەمىرىپ كېتىش خەۋپىنىڭ ئالدىنى ئالماقچى بولغان. بۇنىڭ بىلەن سۇغۇرتا شىركىتىمۇ بېتتى داۋىسنىڭ تۇرمۇشىغا يېقىندىن كۆڭۈل بۆلۈشكە مەجبۇر بولغان.

11. ئېلىزابېت تايلور (Elizabeth Taylor) نىڭ سۆسۈن رەڭلىك كۆزلىرى كىشىنى تولىمۇ جەلىپ قىلىدۇ، شۇڭلاشقا ئۇ كۆزلىرىنى قوغداش ئۈچۈن بىر مىليون دوللارلىق سۇغۇرتىغا قاتناشتۇرغان.

12. كىيلې مىنوگۇ (Kylie Minogue) نىڭ ئادەمنى مەھلىيا قىلىدىغان گۈزەل ساغرىسى بار، ئىگىلىنىشىچە، ئۇ ساغرىسىنى ئوپېراتسىيە قىلدۇرغان بولۇپ، كېيىن ئۇ ئۈچ مىليون فوندستېرلىڭلىق سۇغۇرتا سېتىۋالغان.

13. ئامېرىكىلىق داڭلىق ئارتىس جۇلىيا روبېرتىس (Julia Roberts) ئۆزىنىڭ ئالماستەك رەتلىك چىشلىرى ئۈچۈن 20 مىليون فوندستېرلىڭ (تەخمىنەن 189 مىليون يۈەن خەلق پۇلى) لىق سۇغۇرتا سېتىۋالغان. دېمەك ئۇنىڭ كۈلۈمسىرىشى دەل ئاتالمىش «يۈز مىليونلۇق كۈلكە» ھېسابلىنىدۇ.

14. ئارتىس چىن خەيلۇ (Qin Hailu) ئۆزىنىڭ تېرىسىنى بىر مىليونلۇق سۇغۇرتىغا قاتناشقان بولۇپ، پۈتۈن بەدىنىنىڭ قىممىتى 26 مىليون يۈەن خەلق پۇلىدىن ئاشىدۇ.

15. داڭلىق مودىل جوۋ ۋېنچى (Kathy Chow) ئۆزىنىڭ قولى ئۈچۈن 40 مىليون شىياڭگاڭ پۇلىلىق سۇغۇرتا سېتىۋالغان، ئۇنىڭ سۆزى بويىچە ئېيتقاندا «قول يۈزگە ئوخشاشلا ئاياللارنىڭ ئەڭ مۇھىم بىر ئەزاسىدۇر.»

16. كورىيەلىك داڭلىق كىنو چولپىنى جۇن جىخىيۇن (Jun Ji-hyun)  پۈتۈن بەدىنىنى سۇغۇرتىغا قاتناشتۇرغان بولۇپ، پۇتىنىڭ بىر مىليارد ۋوندىن ئىككى مىليارد ۋونغىچە، داس سۆكىڭى ۋە بىلىكىنى قوشۇپ 10 مىليارد ۋونغا سۇغۇرتىغا قاتناشتۇرغان، بۇلارنى قوشۇپ ھېسابلىغاندا، ئۇنىڭ قىممىتى 50 مىليون يۈەن خەلق پۇلىغا تەڭ بولىدۇ.