真係美女廚房，食咗先講。

佘詩曼Facebook

藝人佘詩曼（阿佘）唔單只樣靚演技好，仲超級鐘意煮嘢食，唔講唔知原來佢係煮嘢食高手，之前佢就喺一個內地煮嘢食嘅真人騷拎咗冠軍㖭，真係非常厲害。雖然佢一向工作忙碌，早前又要忙於電影嘅拍攝，不過一向愛錫家人嘅佢趁住新年有得休息，都盡量陪伴屋企人，真係孝順女喇！

呢日阿佘就喺社交平台同網友分享咗佢煮嘢食嘅片，仲話：「初三赤口不出外，留喺屋企煮飯仔！遲來的拜年㊗大家笑口常開！豐衣足食！恭喜恭喜！」片中見到一大碟羊架，仲有蕃茄薯仔，賣相相當靚，阿佘仲喺上面淋上醬汁，簡直隔住個mon都感受到有幾好味！唔少網友都紛紛留言大讚碟羊架好正，好想食咁話，仲有眼利嘅網友留意到阿佘素顏上陣，但仍然都係咁靚呀！