相信大家都好想再次喺电视机前见到你！

问佢想同边个合作又唔讲喎。

艺人古天乐（古仔）及杜如风今日到铜锣湾出席公开活动，大玩“碌喼”游戏，期间有脚患的杜如风“堕喼”收场及轻撞旧患，认真惨情！古天乐自爆原来有“储喼”习惯：“去旅行买喼系指定动作，屋企有间房要嚟放喼，大大话话有3、40个。我会买平平哋嘅，烂咗可以喺屋企放衫。”

怕担当收视重任

最近忙于拍摄科幻片的古仔，直言有留意无綫有意开拍《再创世纪》。近日不时有旧将如张卫健等回巢效力，当问到无綫有冇联络他“还剧债”，以知名度帮手提升收视，古仔笑谓：“收视重任好难担当喎。无綫系间中有搵过我，不过要睇剧本同时间啰。（想同边个合作？）可能好多年后喇，依家讲乜都冇用。”古仔直言自己闲时亦有睇电视：“主要系食饭时陪爸爸睇啫，我以前有剧出，佢都一定录起佢，只系依家录影机睇番啦。（爸爸赞你演技？）佢赞都唔系中肯啦。”

日食夜瞓杜如风嗌闷

另外，“堕喼”的杜如风坦言发生“意外”时，旧患有点痛：“依家做紧物理治疗。其实医生叫我起码休息半年，唔好做运动，依家我喺屋企唔系食就瞓，一系写吓稿咁，闷死喇。（再带团？）系都要帮无綫拍旅游节目先，佢哋都等紧我，暂时未谂去边拍。”