上星期五（20日）

杨千嬅担任C ALLstar演唱会嘉宾

concert结束之后

竟然有香港媒体发稿声称：

杨千嬅接受采访时表示：

将于明年正式退出娱乐圈！

EXM？千嬅唔係准备开演唱会咩？

开完演唱会要退出娱乐圈？！

原来成件事係咁：

当晚杨千嬅身真黄色长裙登场

同C ALLstar合唱《最后的歌》

千嬅喺台上问佢地演唱会之后係咪会解散

但係C ALL star表示係休团

杨千嬅问：“你哋唔会到我退休都未出番嚟啩？”

四子就话千嬅唔会退休

但係千嬅竟然话：“可能下年就退休！！”

虽然唔知讲真定讲假

但係都令在场粉丝好惊讶

千嬅仲表示，人生有唔同阶段要发掘和珍惜：

“希望唔会第一次做C ALLstar嘉宾就变成最后一次

希望以后继续有好嘅作品”

而C AllStar都回应话：

“千嬅一日唔退休，我哋一日都继续唱！” 

但係今次“退休说”一出

令好多人谂起，千嬅透露过好多次想生二胎

而最近千嬅筹备紧12月23日起喺香港

连开十场嘅《杨千嬅三二一GO!演唱会》

唔通真係借年尾呢次演唱会之际

有意退出娱乐圈，专心相夫教子？

2017年，杨千嬅出道22年了

期间，千嬅收获咗事业、爱情、家庭

仲记得2000年

上台攞“叱咤歌坛女歌手金奖”

颁奖台上千嬅哭成泪人

讲出嗰句标志性金句：

“我乜都冇，净系心口得个勇字。”

从参加歌唱比赛，到女歌手金奖，千嬅用咗五年

1995年

杨千嬅参加第 14 届新秀歌唱比赛，获得季军

当年冠军係陈奕迅

比赛结束同华星签约，正式歌手出道

当时，郑秀文啱好约满华星

于是公司决定将千嬅包装成 “小郑秀文”

因此，惹来唔少是是非非

家境一般，长相一般

仲带住婴儿肥

而且单轮唱功，当年嘅千嬅亦不是太出彩

就凭借一份英勇，闯荡乐坛

林夕心头肉，王伟文最佳损友

令杨千嬅有今时今日嘅地位

除咗佢自身嘅努力之外，更离不开两个人：

林夕、黄伟文

喺知乎上搜索“杨千嬅”

第一条结果就係

“为什么林夕那么喜欢杨千嬅？”

好多人都话，林夕爱杨千嬅

係因为千嬅身上拥有少女嘅奋勇、爽朗清亮嘅唱腔

林夕曾经讲过：

“我认识千嬅係因为《再见二丁目》

当我听完佢演唱，就开始对佢偏心

唔係每个歌手都可以得到我最真最好嘅词”

自此之后

林夕自己嘅感情感受，都交畀千嬅唱

而黄伟文，确实的的确确爱千嬅呢个人

如果话林夕写畀千嬅嘅歌其实係写畀自己

咁Wyman嘅每首歌都係为千嬅度身打造

《可惜我是水瓶座》《野孩子》《勇》

每一首歌背后都仿佛写住三个字

“杨千嬅”

2012年黄伟文作品展

千嬅大住个肚去做嘉宾

最后Wyman手捧鲜花、推住紫色BB车上台拥抱千嬅

林夕喺杨千嬅纪念自己出道十周年嘅“唱谈会”

《万紫千嬅 十年一晚夜》直言：

“我当千嬅係我身上嘅一块肉

我将我最好、最真嘅送咗畀千嬅。”

而黄伟文因为千嬅同陈奕迅嘅友情

写咗“最佳损友”

陈奕迅唱，却係畀杨千嬅听

余春娇只可以杨千嬅演

喺杨千嬅39岁嘅时候

饰演余春娇，令事业走上另一个顶峰

凭借《志明与春娇》

获香港电影金像奖提名最佳女主角

成为继梅艳芳之后

第二位获得香港乐坛与影坛标志性大奖嘅女艺人

喺遇到呢部电影之前

杨千嬅金曲无数，获尽荣誉

但都经历过人生低潮

嗰几年，唱片市场低迷

销量一度低至8000 张

30出头嘅年纪，已经唔可能再係银幕上演小女生

后来甚至好几年无人千嬅拍戏

每个人，都係有一个时机嘅

就好似余春娇遇到张志明一样

记得彭浩翔喺拍《志明与春娇》时曾经讲过：

“余春娇只能杨千嬅来演。” 

当然不单止係导演认同

随住《志明与春娇》爆红

好多90后.、00后重新爱上杨千嬅

喺佢地眼中

杨千嬅就係余春娇，余春娇就係杨千嬅

唔知有几多个女仔

曾经因为杨千嬅而染紫色头发

紫色，一直畀人神秘、高冷嘅感觉

但放喺性格直爽，表情夸张

被粉丝、朋友称为“大笑姑婆”嘅千嬅身上

却如此合适

杨千嬅可能係紫色头发最好睇嘅女人

网易云音乐有一个歌单名为

“自从爱上杨千嬅，你变得怎么样了”

点赞最多嘅评论係：

有勇气去做一个平凡人

对于评价杨千嬅嘅唱歌

最多嘅答案都係：

“唔识评价，但係每次听到佢嘅歌

都会觉得，呢首歌只可以佢唱”

千嬅唱歌会投入无与伦比嘅深情

每唱一首歌都用尽全身嘅力量，可见用情至深

今次千嬅宣布退出娱乐圈

或许只不过係一句玩笑被媒体无限放大

但从歌迷嘅角度

真心希望呢批陪伴我地成长嘅粤语歌手

可以再唱耐D、唱耐D~