前港姐冠军曹敏莉（Mandy）最近撇低三个仔女，同金融才俊老公张家杰（Jacky）去咗旅行过二人世界，原来此行系为老公庆祝生日！Mandy喺社交网上载合照，多谢老公令佢每日都笑，冇男人可以再比佢老公更好，希望可以一齐变老，共同探索更多嘅地方！

而Mandy连日都大晒靓相，佢仲着上低胸泳衣半浸于水中，若隐若现，笑言老公啲影相技术改善咗！佢又晒太阳自拍影长腿，仲同老公踩单车，几咁写意，不过佢都冇忘记几个细路：“快乐时间过得特别快。今天真的过得很轻松很自在~当然也挂住家中的三个宝贝。”网民都大赞佢生咗三个都咁Fit同靓，好有港姐嘅气质，仲有网民问佢系咪谂住造人生第四胎呀！