藝人溫碧霞下午到旺角，出席代言美容院簽約儀式。她透露今次簽約2年，又指自從舉行演唱會後，明顯多了廣告及出席活動的工作。她又謂今年大豐收，拍了兩、三部電視劇，手頭上亦有幾部新片洽談中：「應該過完年就開工，啲角色同故事都好有挑戰性。」

談到美容凍齡心得，她坦言：「唔單止要護膚、做運動，心態都好重要。」她直言自己需要戀愛，而與丈夫「復合」後，她形容自己正在熱戀：「好似重新約會咁。佢（老公）好識得同我相處，愛我、錫我之餘，又識製造浪漫，畀驚喜我，最緊要佢唔管我，佢為我嚟講係完美情人。（再揀都會揀佢？）係，佢仲要對家人、朋友都好好。」記者笑她可以用3千字來讚老公，溫碧霞隨即甜笑！提到經常與老公及兒子出遊享受生活，她即說：「咁我都有辛苦時候，好似之前去咗貴州拍古裝劇，38度熱到幾乎中暑。」