小生命降臨絕對係一件開心事，不過作為媽咪面對產後收身之路真係頭都大埋，湊B、工作、照顧屋企忙到唔停手，想做靚靚媽咪？真係談何容易！不過仲有例外，好似前港姐葉翠翠咁，早前生咗第二胎，五個星期就已經完全收身，回復番之前嘅身形，佢眼見唔少媽咪都煩惱緊收身問題，佢喺社交網發文分享心得，列出五個秘訣，好似要盡早補充膠原蛋白、懷孕期間要搵啱食療長胎唔長肉等，由未懷孕到產後嘅護理都講齊晒，真係好全面，難怪有唔少網民睇完都畀讚話佢好有心！