咁啱见到个有点熟悉又有点陌生嘅面孔，望真啲睇埋侧边啲字，原来系关智斌！边个系关智斌 ？Kenny呀！Boy’z嗰个呢！最近，Kenny派上新歌《次要角色》，对上一次派新歌已经系8年前嘅事，唔知大家仲记唔记得佢把声呢？可能对于佢把声，相信大家都无咩深刻嘅印象。咁不如实际啲问大家，仲记唔记得佢咩样呢？

关智斌 新Look似碧咸

今次新歌嘅宣传照见到，Kenny同我哋停留系N年前嘅形象好唔同，留须之余仲重新打造一个好man嘅形象。有人赞佢型咗man咗，另一边厢亦有人话「认唔出系佢」。对于Kenny新形象，嗰个发型、嗰啲须、嗰个look，第一眼睇已经觉得好面善。绞尽脑汁之后发现，我见过！我真系见过！不过，有点距离⋯⋯

倒带初出道时，Kenny有种青涩嘅少男味。

首新歌《次要角色》主要系想讲人生去到30多岁，经历了很多事情，自己再不是初出茅庐横冲直撞的小伙子，是时候融会过去的经历，重新调整自己。无论系歌同佢个look，睇嚟Kenny希望塑造一个理想角色，向人生另一章出发。Kenny打算用三首歌，同大家分享自己的过去、现在和将来，而《次要角色》就系主述过去。

但对于Kenny嘅过去，Boy’z时代嘅歌先真正代表到！

关智斌 Kenny Kwan《次要角色》Lyrics MV

Kenny出新歌Fans非常兴奋，但大家更期待嘅系Boy’z推出合唱歌。虽然Boy’z在官方上仍未宣布解散，但自2012年后二人已经分道扬镳。Kenny就已转往大陆发展，而张致恒(Steven)就签咗TVB做旗下艺员。

Boy’z貌合神离，Steven有佢嘅生活，Kenny有佢嘅忙碌。要佢哋短时间内推出新合唱歌似乎机会渺茫。宜家就为大家经典回播，送上Boy’z同Twins合唱嘅《死性不改》畀大家怀愐下，顺便唤醒返Kenny之前个青靓白净嘅look同十年如一日嘅歌声。