阿酷卓巴音乐平台
|精选藏歌|精选壁纸|佛教经文|妙语情言|
－གསན་རོགས།－
<ང་དང་ཁུ་བྱུག>
༡ རི་མགོའི་ལབ་ཙེ་ཆུང་ཆུང་།
ལབ་ཙེ་ལུག་བརྒྱའི་བདག་པོ།
ལུག་རྫི་ཕྱིང་དཀར་གསུམ་འཛོམས།
གཡང་གསུམ་འཛོམས་པའི་བཀྲ་ཤིས།
༢ རི་རྐེད་བསང་ཁྲི་ཆུང་ཆུང་།
བསང་ཁྲི་རྟ་བརྒྱའི་བདག་པོ།
རྟ་རྫའི་སྒ་སྲབ་གསུམ་འཛོམས།
གཡང་གསུམ་འཛོམས་པའི་བཀྲ་ཤིས་།
༣ རི་འདབས་གཙང་བོ་ཆུང་ཆུང་།
གཙང་བོ་འབྲི་བརྒྱའི་བདག་པོ།
བུ་མོ་གསེར་ཟུང་གསུམའཛོམས།
གཡང་གསུམ་འཛོམས་པའི་བཀྲ་ཤིས།
ང་དང་ཁུ་བྱུང་གཉིས་ཀ།
དབྱངས གདུ་བྷེ།
ཚིག། མཁས་དབང་དོན་གྲུབ་རྒྱལ།
༡ ཕར་ཕྱོགས་རྒྱ་རྫོང་ནགས་ནས།
གེ་གོ་གེ་གོ་་་་་་་་གསུང་གི།
རྣ་བ་བླགས་ནས་གསན་པས།
དཔྱིད་ཀྱི་ཕོ་ཉ་ཡིན་འདུག།
གསུང་སྙན་སྒྲོགས་དང་ཞུས་པས།
གེ་གོ་གེ་གོ་་་་་་་་གསུང་བྱུང་།
བྱིའུ་འཇོང་མོ་ང་ནི།
དགའ་བའི་དཔལ་གྱིས་བཟི་སོང་།
༢ ང་དང་ཁུ་བྱུང་གཉིས་ཀ།
ཁ་བ་ཅན་ལ་སླེབས་སོང་།
ཨེ་མ་འདི་གའི་ཡུལ་ལྗོངས།
མཐོ་རིས་ལྷ་ལས་མཛེས་པ།
ཨེ་མ་ཡུལ་ལྗོངས་མཛེས་པ།
བཀྲ་ཤིས་རྟགས་བརྒྱད་ཚང་འདུག།
ཤར་གྱི་དགའ་གདོང་འོག་མ།
རྒྱ་སྟག་སྐྱ་བོ་འགྱིགས་འདྲ།
༣ མཁའ་ལ་ཉི་མ་གསལ་བས།
འཕུར་ལམ་སྔར་ལས་ཡངས་ཤིང་།
ས་ལ་མེ་ཏོག་མཛེས་པས།
སྣང་བ་སྔར་ལས་སྐྱིད་བྱུང་།
ལྷོ་ཡི་སྐྱིད་ཆུ་སྔོན་མོ།
གཡུ་འབྲུག་འཁྱུག་དང་མཚུངས་པ།
ནུབ་ཀྱི་བྲག་དམར་རྟ་གདོང་།
ལྷ་བྱ་དམར་པོ་འཕུར་འདྲ།
阿酷卓巴音乐平台
|精选藏歌|精选壁纸|佛教经文|妙语情言|
感谢您的支持鼓励，我会继续努力的!
文章地址：
用户邮箱：
打赏金额：USDT
点击”去打赏“，即可进行打赏支持本文章哦
