周秀娜（娜姐）和辰亦儒主演的內地網劇《美女公寓》日前大結局，戲中娜姐被辰亦儒一番情深說話感動親吻對方。娜姐指這場戲很冧，覺得辰亦儒是自己的白馬王子。

這場戲講述她中毒而迷糊接受別人求婚，更穿性感低胸婚紗準備出嫁，嚇到辰亦儒即刻搶親，以一番情深說話感動到娜姐眼濕濕。娜姐親吻辰亦儒後，所有恩怨煙消雲散，一對金童玉女拖手重新開始。

娜姐憶述時直認被辰亦儒的情話打動：「係好冧呀！佢講嗰段說話好感動。戲入面有講過我夢想中嘅婚禮係希望有個白馬王子腳踏七色彩雲出現，但梗係冇可能。自己就將要求降低，話有彩虹自己着住婚紗就結婚啦！估唔到搶婚嗰吓，好似冥冥中有注定，我覺得佢就係白馬王子，雖然佢冇腳踏七色彩雲，但都係嚟營救我，所以覺得自己夢想成真，因為嗰場戲話我昏迷醒番，自己就好似睡公主，佢好似白馬王子咁營救我。」

劇集首播以來一直反應熱烈，大結局更留下伏筆，大有機會開第二季，娜姐有期望，指投資方當初有想過反應好會開第二季，見到劇集瀏覽量和點擊率反應好，有好多粉絲在微博都問何時可以看第二季，他們喜歡角色和故事，自己都好開心，亦希望原班人馬可再拍續集。