邵氏兄弟开拍慨网剧《守护神》两日前煞科，不过刘心悠同黄宗泽不约而同无出席，典解慨典解慨？唔通渠哋有过节？

黄宗泽唔出席，苗侨伟就笑住帮渠打圆场，话Bosco因为拎唔到视帝要息影，但几日后会复出。
至于刘心悠就因为为部剧牺牲太多，挨到皮肤过敏所以缺席。另外，刘心悠为咗角色需要，仲剪走留咗多年慨长发，对女仔嚟讲真系好大牺牲架！

虽然二人唔系因有过节而缺席煞科，但早前见到渠哋拍对手戏，埋位之前又的确系零交流，仲坐到离行离迾。Bosco自己匿埋一边揿电话，刘心悠就同工作人员吹水。

相反，同场慨许绍雄就好好人缘，个个都吹到两嘴，就连本身匿埋自己玩慨Bosco都俾佢捉住吹水走唔甩。Bosco都醒架喇，耷低头揿电话唔太应许绍雄，望对方知难而退，点知许绍雄又伸个头去睇佢玩乜，依然唔肯放过Bosco。另一边厢慨刘心悠亦都走唔甩，俾许绍雄捉住吹水。不过有个吹得之人喺身边有样好，就系个场够热闹，又有凝聚力，唔系许绍雄又点会成功捉到Bosco同刘心悠坐埋一齐交流呢？