責編丨羅武
作為一線歌手，陳奕迅嘅歌相信好多人都好熟悉，尤其係《十年》、《愛情轉移》和《浮誇》哩啲傳唱度極高嘅熱門歌曲。但小編今日要介紹嘅，可以講係冷門中嘅冷門。
當一個人嘅生命快將到達終點時，會有點樣嘅感悟與想法。
喺華語流行樂壇中，探討哩個主題嘅作品並唔多，而陳奕迅則有著屬于佢嘅“生死三部曲”：
《活着多好》（2001）
《最後派對》（2011）
《一個靈魂的獨白》（2015）
仍然在呼吸都應該要慶賀，如果想哭可試試對嘉賓滿座，說個笑話紀念我。
《活着多好》收錄喺《The Easy Ride》專輯，係電影《常在我心》嘅主題曲，哩部討論生死嘅電影亦係由陳奕迅主演嘅，係為數不多電影歌曲同電影都有好高嘅契合度。
《活着多好》所表現出嚟嘅哀傷係難以壓抑嘅，主歌部分看似喺度談天說地，但唱到副歌時仲係回歸到主題，流露出不舍之情。
活得精彩結尾切勿流眼淚，來讓我詩歌班裡悄然沉睡這是自然程序。
《最後派對》係三部曲中狀態最“積極”嘅一首，林若寧用歌詞從一個樂天派嘅角度嚟描繪一個追悼會嘅場景。據講哩首歌原來真係打算叫《追悼會》，好在冇叫得咁直白~
我愛你有愛就會心靈重聚，何妨相處數十歲，終須化飛灰。
《一個靈魂的獨白》出自袁兩半嘅手筆，佢本名潘源良，袁兩半就係“源良·潘”嘅諧音。同前兩首歌唔同，哩次從歌曲意境上嚟講更有一種淡然看透生死嘅昇華。陳奕迅用咗極其低沉聲線嚟演繹，初初聽可能有啲唔習慣，但聽多幾次卻感覺好有味道，Eason盡力壓抑嘅唱法將歌曲意境展現得好好，從技術層面上嚟講，哩首貌似缺乏起伏嘅歌曲實則有好高嘅演唱難度。
《活著多好》、《最後派對》和《一個靈魂嘅獨白》，完成咗從不舍、笑對到釋然嘅遞進，雖然都係各自專輯中毫不起眼嘅作品，但卻很值得細細品味。
- THE END -
感谢您的支持鼓励，我会继续努力的!
文章地址：
用户邮箱：
打赏金额：USDT
点击”去打赏“，即可进行打赏支持本文章哦
