2017-11-10 東網巨星

陳柏宇冇「銀」用問老婆攞錢

歌手陳柏宇（Jason）一臉倦容出席活動，近日忙於為下月初演唱會排舞的他說：「晚晚都排舞，好攰。（有冇激舞？）冇呀，擒男舞蹈員，女舞蹈員承受唔到我嘅體重。」自認舞技超差的Jason坦言畀其他人花更多時間綵排，他說：「一般歌手跳10次，我跳30次，又要記歌詞同舞步，我想要好肯定先上台。（少時間陪老婆？）冇辦法啦，做嘢嘛，佢開心啦，月中又去旅行。」

當問到有否畀錢老婆去旅行？Jason自爆近月頻頻反問老婆攞錢，他說：「佢畀錢我袋定就啱，因為依家搬咗屋附近冇櫃員機撳錢，身上長期冇錢要問佢度。（出糧畀晒錢老婆？）唔係。」隨即笑笑口說：「每次撳完錢就還晒畀大家。」

問到個唱上會否騷肌？Jason充滿自信說：「冇操，不過爛船都有3斤釘，唔係3分釘，驚扯傷背脊。（咁操B同老婆夜做多啲運動？）依家夜晚唔得啦，我哋生命唔係為生B，我哋好純潔。」

真係食粥食飯靠晒老婆～

Jason個樣勁攰～

原來因為為下月初演唱會排舞。

陳太認真唔話得～（資料圖片）