陳自瑤新年做潑婦驚激嬲觀眾

藝人陳自瑤（Yoyo）於猴年「迎戰」做玄學節目主持兼「潑婦」，鮮有接觸主持工作的她更盼新一年能多於主持方面發展！榮升新一代「索爆人妻」的Yoyo期間更大談健美心得，並直言女神應內外兼備！

藝人陳自瑤（Yoyo）猴年成功撈過主持界，於年初二播出的玄學節目《新春開運王》中擔任主持，鮮有接觸主持工作的她更指今次經驗獲益良多，盼望新一年能有更多機會參與綜藝節目及主持工作：「我之前都係拍劇多，好少接觸主持工作，今次可以同芷珊姐姐（黎芷珊）同咁多位玄學大師合作當然學到好多嘢，今年新年願望都想有多啲機會做吓綜藝節目同主持。」至於Yoyo有份演出、同樣於年初二首播的劇集《公公出宮》，她將以潑辣形象示人，笑說：「《公公出宮》入面我飾演一個好巴渣潑辣嘅大奶奶，同我之前做嘅好唔同，希望出街之後啲人唔會憎到想打我啦！」

婚後拒放棄自己

繼歌手謝安琪自當人妻後升呢為網民心中的「永遠榮譽女神」，於2011年下嫁藝人王浩信的Yoyo近期亦順利上位，成為新一代「索爆人妻」！現年34歲的Yoyo雖然已為人母，但仍keep到靚樣好身段，問她有何心得？她表示：「我本身都好想keep好個形象，唔想一結婚就放棄自己。始終依家時代唔同，唔係嫁咗就代表唔可以有自己事業，再加埋我做幕前，對自己外形各方面都要好有要求，如果唔係就好難再有人搵你做嘢。咁樣亦令自己多咗自信，有事業目標，人都靚啲！」

為囡囡身教示範

談及女神定義，Yoyo直言除五官外，氣質、個人修養亦為重要因素，但現階段則未有刻意培養女兒王靖喬的談吐和禮儀：「我覺得靚未必係每個五官都生得好精緻好端正，反而係成個配搭夠順眼，咁當然氣質、內涵修養都好緊要！但我就冇刻意教囡囡呢啲，上咩禮儀堂咁誇張，最緊要係禮貌、識尊重長輩，由呢點慢慢跟住我去學，其他嘢就由佢自由發揮，又唔使話行晒catwalk咁嘅！」

宣萱想奸到出汁：愈憎我愈好

當大家正苦惱在拜年時，如何應對長輩追問感情事，藝人宣萱就笑指其父母早已放棄催婚，她灑脫地說：「又唔係一定要，搵到啱嘅咪開心囉，搵唔到又覺得ok。」她又表示懷念以前的時光，對回巢拍劇並不抗拒，未來想挑戰「奸到出汁」的角色，豪言觀眾愈憎我愈好！

每逢過年與長輩聚會必會被催結婚或生小朋友，但藝人宣萱就笑指其父母早已放棄催她：「呢樣嘢父母都放棄咗，唔催啦，因為親戚多數喺澳洲，變咗過年見唔到面，佢哋都好少問啦，都呢個年齡，見到面最緊要開心！又唔係一定要，搵到啱嘅咪開心囉，搵唔到又覺得ok。」

不抗拒回巢拍劇

宣萱已多年沒有在無綫拍劇，早前《尋秦記》在深宵時段重播，深受網民歡迎！談到新一年會否回巢拍劇？宣萱表示不抗拒，只要有適合的角色便會演，更指自己懷念以前的時光：「我依家比較少睇劇，始終我自己會懷念以前多啲。以前拍過嘅舊同事，好似之前杏兒結婚，我哋成班好似聚會咁，勾起好多回憶。」

新闻来源/香港各大新闻网站

杂志来源/FACE&壹周刊

编辑整理/台叔

微博©香港TVB资讯台