唔G你哋有几多人觉得自己好宅？

试想下以下几种情况：

·周末放假係咪只想匿喺屋企唔出门？

·食外卖或者自己求其煮都懒得约人食饭？

·就算喺屋企楼下见到邻居，都会放慢脚步避免打招呼？

·同唔熟嘅人同处一个空间会觉得好唔自在？

恭喜你！

怕生、社交恐惧加上唔中意出门

完全就係时下宅人们嘅总体特征

韩综《被子外面很危险》

就请来娱乐圈内嘅宅男们同住一间屋

睇佢哋之间嘅尴尬相处

斋咁样睇起身好似无咩爆点

不过每次见到佢哋彼此之间尴尬嘅气氛

就忍唔住爆笑！！！

今日来为大家介绍下试播集

推荐指数：★★★★✩

首先节目组为各位嘉宾

准备咗一栋度假别墅

每一位到达嘅时间都唔同

而且都唔知其他人会几时来

所以就会出现喺房间度听到出面有声

但係因为怕生

打死都唔会出门打招呼嘅情况

呢位就係最开始入住嘅李尚禹

性格好怕生但係因为年纪最大

会暗暗唔出声不过为弟弟们做好多嘢

佢哋究竟有几怕生？

或者係好似龙俊亨咁

因为口渴好想出去饮水

已经鼓起勇气开咗好多次门

点知每一次都因为见到隔离房间开咗门

而迅速退缩放弃关门

不过最尾都係遇到咗

有条弹幕话呢一幕叫

“转角遇到爱”哈哈哈哈！！！

龙俊亨喺房间入面自在除衫换衫之后

先发现有摄像头嘅存在

然后连陌生嘅摄像头存在都要觉得唔自在

佢仲自带即食白饭同埋拌饭嘅海苔，加上肠仔

为大家展示咩叫真·宅男的食物

第三位入住嘅小哥哥朴载正

一出场好多件行李就令人觉得使唔使啊！

点知因为太大而上唔到二楼嘅巨型衣架

先係一个爆炸嘅笑点！

最后佢小心翼翼咁将足球衣挂起晒

再次令到观众无语又好笑

姜丹尼尔出现嘅时候大家已经训晒

难得休假就算眼训到爆炸

同样要睇晒中意嘅漫画

食好多挚爱的软糖

直到天光先肯训觉！

最后出现嘅xiumin

印象最深刻就係大家出去踩单车

佢自己喺屋企玩VR嘅时候

完全唔知屋企入面有人睇住佢

想话俾大家知玩VR喺外人睇来

真係会好似傻佬！

因为大家都係宅男

节目组为咗逼佢哋交流同出门

准备咗好多嘢

暂时剧透到呢度！

呢个节目明明无聊但又超好笑

号称係史上最尴尬嘅节目了

因为大家都唔点讲嘢

基本上全靠后期字幕

相信大家睇嘅时候应该会有共鸣

特别係尴尬嘅社交恐惧表现

完全就係好多观众自己嘅真实情况

呢点可以喺弹幕中搵到大家嘅共性

而且每位嘉宾虽然都係宅男

但係性格上面又有好多唔同嘅地方

互相作用埋一齐就觉得莫名好笑

周末就係要轻松爆笑

有兴趣嘅朋友去b站睇全集啦！

最后送上一个片段

 官方微信：可乐生活color(colorcolor818) 

 官方唯一商务合作QQ：1902182069