唐诗咏离巢已经将近半年了

大家都发现佢离开旧东家之后

工作&生活都变得多姿多彩

前段时间

诗咏就去咗海外

探访一啲困难家庭

仲送物资俾佢哋添

见到佢同当地嘅小朋友一起玩

画面非常有爱

诗咏仲话自己

捐助咗一个5岁小朋友

feel到咗做妈咪嘅感觉

佢仲话以后有自己嘅细路

一定会带佢去当地感受一下

因为佢觉得自己同佢哋相比

生活实在係太幸福啦

讲到要有自己嘅后代

诗咏坦言都真係要加快脚步

但奈何依家未有合适嘅另一半

更希望未来另一半可以

同佢有相同的价值观

仲记得之前

喺《白色强人2》里面

唐诗咏饰演嘅苏怡

比起同爱人结婚

更希望拥有自己嘅小朋友

原来现实中嘅佢

除咗出国探望小朋友
唐诗咏仲成日参加公益活动

佢平时仲自学编织、烘焙

学有所成就分享俾大家

最新学识嘅粗冷织法

佢就整咗个劲warm嘅猫窝

俾自己嘅爱宠瞓觉

然后带住自己亲手织嘅手袋

去同大家提前庆中秋

好有意义、好有爱嘎

每次活动佢都会好落力咁

投入到现场互动游戏

完全冇明星架子

佢自己都玩的好开心

睇得出佢真係好中意小朋友

《隐形战队》就係唐诗咏

喺TVB最后完成嘅一部剧

据闻佢拍摄期间觉得压力好大

荷尔蒙失调、情绪低落

导致免疫力低下

离巢之后个人轻松晒

心情舒畅翻

加上做一啲自己中意嘅嘢

状态都翻晒嚟

依家佢有自己倾广告

又有剧搵佢拍

不用担心收入又相对轻松

难怪状态咁好、容光焕发啦

唐诗咏调理好身体

又自言自己想尽快生B

睇嚟真係进入

准备做妈咪嘅状态啦

佢知道大家都好关心自己

毕竟结婚、生B都係私人大事

诗咏觉得到咗合适的时机

佢自然就会去进行噶啦

大家都希望

佢得到真正的幸福

咁我哋就真诚祝福

&耐心等好消息啦

信息来源：微博、剧照等

网络信息平台综合

编辑：郭玮

审核：曾敏妍

签发：骆苹