歌手陳慧琳（Kelly）、陳凱琳（Grace）出席香水發布會，她表示已為小朋友安排好聖誕節目，到時會去朋友家中開派對，而禮物仍在物色中，她指兩個囝囝冇乜想要，只要網上遊戲便滿足。她自爆當日佗B時化身大懶蟲，長期瞓在梳化煲劇，連上廁所或飲水都不願郁，要老公斟水和扶去廁所，身旁的Grace聞言表示不敢使得老公鄭嘉穎太盡，怕以後要還，她說：「一路分期付款。」

Kelly計劃兩年後開入行25周年演唱會，預計明年入紙。問到可會再給囝囝上台？她謂：「上次係畀歌迷見吓，今次唔嚟，費事佢哋以為自己係明星。大仔依家4年班，2年後都6年班，依家仲畀攬吓錫吓，但佢都有少少嫌棄，所以真係唔捨得佢哋大。」問可會再出席頒獎禮？她說：「唔想搞呢搞路，畀我休息吓，畀後生去搞啦。」