艺人周丽淇（Niki）今年5月为演员老公诞下B仔，日前B仔满100日，佢就为囝囝举行百日Party，同时庆祝自己41岁生日。佢喺社交网甫出抱住囝囝嘅合照，见佢冧爆锡囝囝额头，一脸幸福，认真“有仔万事足”。佢又留言透露囝囝英文名叫Morris，指：“谢谢大家对我的祝福和厚爱，所有祝福我已经收到了，今年第一年和Morris一起庆祝，我已经收到最好的生日礼物了。非常感恩，Love u。希望可以好快同大家再见面，See u all soon。”另外，佢又晒出另一张手捧生日蛋糕嘅靓相，并留言：“今年对我来说非常之特别和难忘的一年，好事成双，好耐冇食蛋糕，食完先再减，谢谢。”