藝人沈震軒出席電台節目宣傳新歌，他表示每次在收音機聽到自己的歌都有一種特別的感覺：「電台嘅Radio Version聽落係特別唔同，同埋呢首歌係自己創作，自己寫嘅歌有咁多人聽到好感動。」

現在他正創作合唱歌，希望可與心目中欣賞的歌手合作：「自己好鍾意衛蘭把聲，依家寫緊首合唱歌我係諗緊把聲係衛蘭咁去寫嘅，亦都希望同大師兄安仔（許志安）Jam歌。」稍後他將陸續推出新歌，目標是明年底推出新EP。

明日（15日）將前往橫店拍電影，沈震軒會帶埋結他一齊去：「新歌都係喺拍戲空檔嗰陣寫，希望趁今次睇吓有冇新Idea可以寫多一首歌出嚟，呢套戲會拍到月底，緊接31號會去澳門出席倒數活動，之後再會去廣州拍網劇，到農曆新年。」問聖誕節在工作中度過的感受？他笑言自彈自唱聖誕歌：「又或者同劇組喺城堡入面開聖節Party，但其實我最怕係凍。」