若然觉得呢排好闷好烦，

又讲唔出咩实质嘅原因，

咁原因可能有一个：

太耐冇听新歌！！！

————

卫兰本年度第一首派台作品《验伤》大家听咗未？歌曲旋律照旧地上脑，几好Loop。不过今次歌迷注意嘅位係首歌嘅歌词。《验伤》由林夕填词，其中副歌部分最让人感到惊讶嘅歌词係“我想识你女朋友，我想敲穿你门口。”

歌迷被呢一段撩起嘅原因，都係觉得世界上点会有如此Chur嘅女人？！分咗手仲要咁做？其实可能身于事外，假如你被人飞过，唔咁心，或多或少内心都会有咁嘅想法，《验伤》就放大咗少少来讲。呢个Point亦都係一啲觉得搞笑得意嘅地方。

而《验伤》，卫兰话係入行以来最难唱嘅歌。佢讲笑咁指住歌曲监制周锡汉话：「佢写呢首歌系我入行以嚟最难录嘅一首歌，录音过程真系好痛苦。我同佢讲，写一首咁难唱嘅歌有冇谂过我感受？」录音嘅时候卫兰刚好声带受伤，真係有搵咗医生验伤……

卫兰 - 验伤 

歌曲MV远赴伦敦拍摄。为咗配合歌曲讲紧被人飞嘅孤独感，MV要在深夜拍摄。当时卫兰港忙完广东嘅巡演，所以其实都几攰。而且你都见过MV，卫兰真系瘦咗好多！！

————

上星期，卫兰就继续派第二首嘅，叫做《天敌》。歌曲名字就有同一个系列嘅感觉，凑巧地，两首歌嘅歌词有承接嘅部分。又想玩三部曲？！

《天敌》由黄伟文填词，卫兰透露因为在伦敦一个星期要赶拍MV，所以当时并没话要求份词要点，完全交畀黄伟文自由发挥。《天敌》与《验伤》歌词应对嘅部分，让剧情连起，《验伤》话我想识你女朋友，《天敌》识到啦，不过就有少少“竟然输畀个咁情敌”嘅感觉，好寸。

黄伟文早前亦係社交平台发表过，坦言填《天敌》嘅时候係喺Hebe嘅旧作《请给我好一点的情敌》摞到灵感。

卫兰 - 天敌

《天敌》作曲係卫兰师妹Jude，MV继续喺伦敦拍摄，MV中卫兰继续好瘦！歌曲亦较卫兰以往作品有所不同，摆脱受害者的身份，投入一份全新的更倔强的态度去演绎这首歌。

睇下卫兰自己点讲？

点图睇片

假如你冇流量，卫兰大概就係话佢觉得呢一啲係新嘅尝试，填词人亦都赋予一啲新嘅形象俾比佢。因为卫兰係唔睇中文，要监制讲粗口带佢进入呢一首歌。而两位填词人係咪有特登将两首歌承接起身就唔太清楚。

不过呢段访谈中卫兰竟然冇嗮瘦嘅感觉……

————

同场加映

其他最新派台作品

————

係呢，你地有冇歌词搞笑嘅歌推荐？

 官方微信：可乐生活color(colorcolor818) 

 官方唯一商务合作QQ：1902182069