如果有关“鸡”嘅电影即时令你谂起《金鸡》系列嘅女主角吴君如嘅话，咁“鸭”嘅电影嚟讲，就会谂起拍《鸭王》系列嘅何浩文（Dominic）啦！出道嗰阵佢系男子跳唱组合Bro5（兄弟伍）嘅成员，但佢喺组合时期唔太顺利，仲试过喺澳门做十场骚之后连一蚊都收唔到！依家入行接近十年嘅佢，仍然感激有Bro5：“我都想工作嘅时候撞到其他前成员，始终大家喺同一个起步点出发，但系唔主动联络啦！毕竟依家大家做嘅嘢都唔同。”

单飞之后，何浩文先后拍过《喜爱夜蒲II》、《微交少女》等作品，不过2015年《鸭王》先至畀观众认得：“上一个成就我认为真系《鸭王》，因为到咗依家，观众除咗叫我其他角色名之外，仍然有人叫我做鸭王。”虽然喺旧公司有代表作，但佢完咗合约就冇续约：“离开旧公司主因系彼此方向唔同，佢地会靠关系去争取曝光机会，咁都唔系错，但系我主张努力嘅话有一日会成功。”

感情方面，Dominic经历过糖妹黄山怡同唐紫琼两段情之后，2018年宣布挞着同公司师妹方敏婷（Natalie）。佢仲表示虽然唔介意女朋友愿意同佢挨世界，但系就怕女朋友要为佢而挨。即刻睇今集《娱场》，了解何浩文除咗晒肌肉做“鸭王”之外嘅心路历程啦！

热播剧公众号回复即可

铁探

爱回家之开心速递

                     顺手打一下卡⬇，谢谢你们！！！