邵氏網劇《守護神之保險調查》演員徐子珊到葵涌參與「慶團年盆菜宴」探訪長者，子珊「S」身形愈來愈突出，原來與正修讀心理學碩士有關，她笑說：「冇特別去keep fit，只係食少咗嘢，因為依家讀緊心理學碩士最後一年忙緊寫論文，壓力都好大，自己都好緊張，食少咗嘢。」就連新年放假也要寫論文：「之前試過一邊拍劇入邊返學都幾辛苦，所以想趁新年嘅假期寫論文，因為新年之後都要開劇。」

問到她可有輔導一下腳傷的黃宗澤？她笑說：「我諗佢冇創傷後遺症，佢冇事啦。我都未有資格去輔導人，遲啲可以做吓心理醫生或者病人角色。」