名模熊黛林（Lynn)昨日（5日）出席医学美容新店开幕，晒出“V煞脸”，状态甚佳，笑言Fit过未生孖女之前，她称夏天是最佳减肥和消肿时机，更能事半功倍，不过她对现状仍未十分满意，笑言：“女人都好贪心，想愈来愈靓。”又称老公也赞她几好，但并非赞身材：“佢觉得我留喺屋企喺佢身边就最好，（唔想你出去做嘢？）想我幸福。”原本她3月便要返内地拍电影，一直延期至今，预计8月出发，讲笑老公有她陪伴，是赚了几个月，因为返内地将有几个月冇得见。

Lynn的一对孖女现年4岁，自小就习惯妈妈要外出工作，故没有不舍，若将来不用检疫隔离，也想带囡囡同行，让女儿看看拍戏是甚么一回事，特别大女很喜欢表演，Lynn赞大女性格好大胆，这方面很像她，笑说：“大女同我讲佢下个月做骚，参加芭蕾舞骚，希望我走之前睇到，因为系佢第一个表演。”

至于细女则性格活泼好动，喜欢跆拳道，但不担心她会变男仔头，Lynn说：“唔担心，佢见到男仔，眼神就变到好嗲，佢锺意着制服嘅哥哥，觉得好靓仔，同哥哥玩好开心，每次上完堂返嚟讲就笑到四万咁口。”她爆爸爸就好妒忌，规定18岁前唔畀两女拍拖：“唔畀其他人锡囡囡块脸，锡边度都唔畀，爸爸呷醋！有次细女返来讲同个男仔同学拖手玩，好单纯，以为系拍拖，爸爸就好嬲。（系咪同一个同学男仔拖手咋？）逐个嚟啦！如果唔系爸爸就激死喇！”