前两日

相信大家都被罗仲谦同杨怡噶婚讯刷晒屏

今日佢地两个婚后返港

系机场被媒体围堵

一对新人大方任影show钻戒

真系羡煞旁人

对于盛传杨怡有咗馅

佢就否认话自己唔急！

系媒体访问期间

谦谦将【我太太】挂系嘴边

仲应要求锡杨怡额头

够晒sweet

好啦循例要先梳理下成件事俾大家

☟

皆因前两日

有港媒发现佢地系

英国肯特郡利兹普城堡（Leeds Castle）注册结婚

杨怡披上低V婚纱

罗仲谦则系一身白马王子西装

仲系英国古堡影咗婚纱相

呢个地方睇来都唔系随便拣噶

罗仲谦曾经系12年发微博话过

【希望以后可以系英国古堡拍婚纱照】

佢都算梦想成真啦！

真系恭喜晒！

有个网友就总结得好精辟

以为会分噶结果就婚咗

以为会婚噶结果就分咗

（分咗噶☞你估到我写小方Stephy，但系你估唔到我写呢啲！！）

其实大家一开始唔睇好佢地

都唔系无原因

毕竟大家都知罗仲谦基本上拍一部戏

就会传一次绯闻

而且最重要系罗仲谦噶家暴史

同杨怡一齐之前

佢家暴前女友傅颖噶新闻搞到满城风雨

傅颖接受采访噶时候亮出身上青紫伤痕

最终搞到一拍两散

自从呢件事之后

罗仲谦就摆脱唔到【家暴男】噶标签

所以当一年之后

佢同杨怡一齐

可以想象到当时围观群众有几震撼

佢地两个恋情被曝光噶时候都好狗血

被港媒拍到两人同车

当时两人姿势如下

港媒仲话杨怡嘴边有异物↓

所以系媒体描述中就变成咗一场【车震门】

被人写成咁

梗系第一时间出来澄清啦

总之一直以来

外界成日都写话罗配唔起杨怡

男方经常被媒体形容为【食软饭】【渣男】

又话杨怡系【倒贴】

两人2012年拍《On Call 36小时》挞着

唔理外人讲咩都好

佢地两个人开心最重要

而且已经结埋婚了

可乐君除咗祝福仲系祝福！

anyway

随著TVB花旦一个个离巢或出嫁

今次杨怡搞掂婚姻大事之后

都隐约透露今年可能会同TVB解约

以前风风光光噶五花旦时代即将终结

钟嘉欣 胡杏儿 杨怡 陈法拉 徐子珊

大家都知上个月

钟嘉欣就带住馅嫁咗俾大十岁噶Jeremy

（何解明星都爱静静鸡结婚？！钟嘉欣原来已经结婚好耐......）

粗身大细噶佢

睇来都要有一段休息时间

胡杏儿就嫁咗俾金融才俊

（胡杏儿婚礼全程终极整理，一切的一切都在这里！！！）

不过结婚之前

杏儿噶事业就经已转战内地

而陈法拉噶私生活更精彩

同薛世恒秘婚七年

离婚之后离开TVB北上发展

而系TVB扑心扑命咗11年噶徐子珊

旧年就已经离开咗TVB

有传系因为公司唔俾奖佢所以心灰意冷

二来公司热捧新晋小花令佢觉得受到威胁

宜家D新人越来越多

难怪佢地会觉得有威胁感

毕竟呢个社会都系长江后浪推前浪噶啦

无论佢地以后点发展

我地都系送上祝福啦！

我哋係广州至潮至IN叱咤校园超过十年嘅《可乐生活》，上至50岁下至5年级的广州人必备读物！

官方微信：可乐生活color(colorcolor818)良心打造专属华南地区的吃喝玩乐指南，潮流风向标资讯。

官方唯一商务合作QQ：1902182069