Fiona今年重新签约老东家，

好耐冇出新歌嘅佢，

承诺今年会出啦！！！！

未出歌嘅呢段时间，

薛凯琪上咗好多综艺节目，

之前上咗《新声请指教》

做新声班主任，

近期又上小S，蔡康永主持嘅《花花万物》

做当集嘉宾，同王菊一齐，

以两位好朋友嘅身份

上去倾偈。

呢一集寻晚播出，

最大嘅爆点，

就係薛凯琪同江一燕道歉啦（居然）！！！！

道歉係事缘第16届华鼎奖，

Fi係做颁奖嘉宾，

颁最佳女配角。

颁奖之前例牌讲下嘢，

搞下gag，

个对白大概意思就话：

女配角係低调嘅，

唔可以抢走女主角嘅戏份。

而薛凯琪，

居然讲出：“原来真的不要脸就好了”

哇，呢句一出，

场面一度好老尴！！！！

好难想象得奖者江一燕

当时嘅心情。

呢段几年前嘅片段，

点解又会被人拎翻出来讲？？？？

原来係江一燕“才女”人设

被网友质疑，

插佢嘅网友，摞来讽刺佢嘅。

因为之前江一燕好高兴地宣布

佢拎到美国颁发嘅建筑大奖，

然后被踢爆佢并非设计师，

佢係以屋主身份去领奖，

网友仲透露呢个奖含金量都好低，

报上去嘅有一半都可以拎。

网友即刻一片哗然，

江一燕多年来建立嘅

跨界才女形象亦随之崩塌，

佢自己当然有力挽狂澜，

不过网友唔buy，

话佢声明得避重就轻。

恶搞嘅风潮就开始啦，

微博仲出现咗

“江一燕体”，

寸佢写嘢，

好简单嘅英文都要解释，

係唔係都解释，

有种冇文化扮有文化嘅感觉。

而薛凯琪话江一燕“不要脸”

呢个片段，

就係其中网友其中一个

寸江一燕嘅gag。

节目仲重播翻呢个片段，

小S同蔡康永都笑爆！！！！

终于薛凯琪趁上节目，

解释翻呢个gag。

佢话：

“那个梗（原本）是夸她，因为《四大名捕》就是用黑布盖住她的脸，整个戏只用眼神，但是我普通话不好，那个梗我忘了，意思是说她不露脸，只用眼神，没有脸，（演技）也好，也是可以得奖，就是夸她的眼神。”

因为Fi私底下唔识江一燕，

就喺荧幕上同佢道歉。

呢个道歉，

大家buy唔buy？？？

Fiona应该就真係普通话太差嘅，

因为冇理由你去颁奖比人，

一个咁严肃嘅晚会，

居然敢咁去插人，

加上薛凯琪好识得演艺圈法则。

小S都有帮Fi解围，

话Fi道歉得好真心。

要认错认低威係一件好难嘅事，

可能你怕尴尬，或者面对唔到自己，

又或者就系自尊心过重。

道歉嘅力量好大，

假如你肯去做，做得到，

得到最大释放嘅人，

会係你自己。

官方微信：可乐生活color(colorcolor818)

官方唯一商务合作QQ：190218206