最近大家嘅心情

真係都麻麻地，

今日终于来个好消息！

叶翠翠生咗第三胎啦~~~

依然係仔！！！

佢今次第三胎，

整个过程都真係超突然，

又几搞笑！！！

2015年叶翠翠嫁畀老公周晓康，

2017年生咗大仔Jake，

2018年生咗二仔Triton。

三年抱两，

超级正啦！！！

凑仔固然係非常之辛苦，

叶翠翠三年抱两嘅工作量，

可想而知，

所以叶翠翠生BB之后

就淡出娱乐圈，

主力凑仔。

睇呢张“真·化骨龙”相，

可以想象到！！！！！

叶翠翠好锡仔仔，

试过为仔仔同网友对闹，

更惨猪被菲佣诬蔑，

菲佣仲搣佢仔仔，

最后搞到要报警求助。

18年二仔出世嘅时候，

叶翠翠都有话，

真係太辛苦，

不过佢老公一直想要女嘅。

叶翠翠话：

“两个已经攞命，今次怀孕都好攰，因为又要照顾大仔，我个心好唔舒服，成日抱唔到他，如果再追多个会更加困难，其实两个都够喇，不用太多。虽然我钟意女，不过觉得现在社会好似好危险，生女仔多嘢担心，所以无想过再追，计划未有追第3个。计划无第3个，意外都尽量避免。”

呢次小心许愿之后，

计划好封肚的她，

Well，

第三胎果然来啦！！！

佢知道自己怀孕第三胎嘅时候，

宣布嘅时候话：“今次大镬了！”

仲继续係仔添！！！

生产之前，

佢公开咗孕期，

仔仔们都有出镜，

佢亦依然咁省镜！！！！

佢坦诚话今次陀B辛苦过之前2次，

佢话：“医生都有讲过年纪大咗啲，同埋屋企要凑住两个小朋友，样样嘢都好吃力，同埋阵痛都比头两胎强烈好多。”

BB顺利出世，

真係值得可喜可贺啊！！！

佢兴奋咁留言同大家讲：

“人生又再一次踏入另一个阶段……在没有思想准备之下，他来到了这个世界。比预期早了10天已经接近9磅，如果10天后相信会9磅几……成个过程太快了……听到喊声之前， 听到医生话 ‘哗！好大只呀’这次整个怀孕期真系百感交集，无论是自己或是周遭都遇到好多波折……希望……平平安安……”

全职妈妈叶翠翠

同时係KOL，

去年佢出咗育婴嘅书，

平时喺社交平台会分享

佢嘅育儿心得，

三年抱三，

真係唔係个个妈妈做得到，

各位广男/女，

你哋有计划做爸爸妈妈嘅，

真係可以参考下噶！！！！！！