无线剧集向来深受观众欢迎，唔少艺人因为形象太深入民心而奠定咗之后嘅戏路，间接造就咗好多御用演员，好似「御用奸人」郑子诚、「御用强奸犯」李天翔等，当中仲有一班「御用阿妈」，佢哋个个都「儿孙满堂」，仲各有各嘅特色添！
韩马利虽然表面好似个普通嘅小女人，但原来佢非常狠心，喺12年入面先后喺不同剧集中，合共抛弃10个亲生仔女，分别系剧集《智勇新警界》以及《洪武三十二》嘅马德钟、《冲上云霄》嘅吴镇宇、
《甜言蜜语》嘅徐子珊、《囧探查过界》嘅钟嘉欣
《On Call 36小时》嘅杨怡
《幸福摩天轮》嘅陈智燊
《法网狙击》嘅森美
《情逆三世缘》嘅关咏荷同《师奶MADAM》嘅萧正楠
当中马德钟仲要惨被抛弃两次，难怪韩马利获封「最狠心妈妈」。
谢雪心喺剧集《巾帼枭雄》入面奸到出汁，仲因为咁而勇夺「最佳女配角」。但其实剧中嘅谢雪心系一位慈母，佢坏事做尽都只系为咗保护仔仔敖嘉年，而佢之后亦多次喺不同剧集中「宠仔宠出祸」！
其中最令人印象深刻嘅，就系佢喺《法外风云》入面任由仔仔王浩信做游手好闲嘅富二代，王浩信仲衰到吸毒兼强奸，好彩谢雪心最后醒觉，上演怒掴对方23巴嘅经典一幕。
李司棋嘅好妈妈形象深入民心，佢喺剧集《真情》同《溏心风暴》入面都因为饰演好妈妈而大受欢迎，其中《溏心风暴》更令佢夺得「最佳女主角」。
不过讲到李司棋做阿妈嘅代表作，必定系「陈展鹏御用阿妈」，事关佢分别喺剧集《心路GPS》、《巨轮》及《叛逃》入面饰演陈展鹏嘅妈妈，而佢同陈展鹏喺《心路GPS》中经常有亲密兼冤气嘅互动，令网民笑称佢哋系「母子恋」。
马海伦喺剧集入面多数做恶人角色，就连自己嘅仔女都一样唔放过。好似喺剧集《金石良缘》入面，马海伦长期留难继女钟嘉欣，仲搞到大打出手。
之后佢亦分别喺《心战》、《真相》等剧饰演恶妈，而近年最多人讨论嘅，就系佢喺《心理追凶 Mind Hunter》入面，不断用言语暴力、甚至虐打仔仔何远东，最终何远东忍受唔住压力而误杀咗佢。
做阿妈嘅当然想自己嘅仔女可以生活无忧，而卢宛茵就经常喺剧集入面，化身尖酸刻薄嘅奶奶或者外母，搞到一班主角不知所措。佢喺剧集《戆夫成龙》入面，为咗保护智力有问题嘅仔仔郭晋安，成日刁难新抱宣萱。
喺《女王办公室》又为咗仔仔陈山聪而同家嫂吕慧仪争风呷醋，喺《性在有情》入面更嫌未来女婿张兆辉衬唔起囡囡陈敏之而出手拆散佢哋。卢宛茵嘅刻薄形象仲冲出电视圈，佢为一段网络潮文拍摄短片，饰演嫌未来女婿住公屋嘅外母，认真入形入格。
陈秀珠虽然经常喺剧集中做人阿妈，但有好多仔女都不约而同地同佢不和，当中包括《师奶强人》嘅李克勤、《酒是故乡醇》嘅马德钟、《戆夫成龙》嘅宣萱、《青出于蓝》嘅周永恒、《我的如意狼君》嘅姚子羚及龚嘉欣、《心路GPS》嘅陈展鹏、《警犬巴打》嘅钟嘉欣同埋《杂警奇兵》嘅黄智雯。不过现实中嘅陈秀珠独力凑大仔仔陈迪加，二人嘅感情仲好好添。
睇咗咁多阿妈，你哋又最钟意边个阿妈呢？
后台回复“宫心计”即可获取宫心计最新资源
更多资讯
TVB力捧的新视帝，出道12年偷食绯闻不断，如今被爆婚变...
新《美女厨房》开播遭群插！全靠农夫撑场，新主持斋食似透明人，网友罢睇！
TVB最年轻影后，香港冻龄女神，32岁成单亲妈妈！如今...
赌王继承人身家百亿，和富三代离婚后与同性密友牵手八年，还和前夫女友是好闺蜜？▼▼美物推荐▼▼
合作&建议
微信丨lanktom 电话丨18925167033
感谢您的支持鼓励，我会继续努力的!
文章地址：
用户邮箱：
打赏金额：USDT
点击”去打赏“，即可进行打赏支持本文章哦
