前港姐冠军叶翠翠婚后为老公周晓东生咗3个仔，仲要系3年抱3，真系接住密密生，肚皮都松！但系翠翠凭住个人意志力，终于回复昔日未生身形，佢昨日喺社交网宣布又减走10磅，见佢穿上贴身露脐装，大晒纤腰，隐约仲见到腹肌，佢仲勉励一众网友：“减走10磅肥肉唔系好难，但真系需要坚持和决心！生咗3个都可以做得到。大家努力。”不过网友就错重点，大赞佢浴室好豪华，照片所见，成间浴室铺满白色云石，仲有按摩浴缸及企缸，十足十5星级酒店。